سرینگر/جنوبی کشمیر کے ککر ناگ علاقے میں منگل کو جنگجوئوں اور فورسز اہلکاروں کے درمیان معرکہ آرائی کے دوران دو جنگجو جاں بحق ہوگئے ۔
خبر رساں ایجنسی جی این ایس نے پولیس ذرائع کا حوالہ دیتے ہوئے لکھا ہے کہ معرکہ آرائی کے دوران دو جنگجو جاں بحق ہوگئے ہیں جن کی لاشیں بھی بر آمد ہوئی ہیں تاہم اُن کی شناخت ابھی نہیں ہوئی تھی۔
اس سے قبل اطلاعات کے مطابق یہ معرکہ ککر ناگ کے جنگلی علاقے میں کھارہ پورہ اور کاشون نامی دو گائوں کے درمیان واقع جنگل میں اُس وقت شروع ہوا جب وہاں فوج، سی آر پی ایف اور ایس او جی اہلکاروں نے تلاشی آپریشن عمل میں لایا۔
