سرینگر// شمالی ضلع کپوارہ میں منگل کو پولیس نے اُن دو افراد کو حراست میں لے لیا جنہوں نے نتنوسہ میں گرامین بینک کو لوٹنے کی کوشش کی۔
نیوز ایجنسی جی این ایس کے مطابق عاشق احمد ولد محمد احسن وانی اور جاوید احمد ولد عبد الرحمان وانی ساکنان کلنگام ،ہندوارہ گرامین بینک شاخ نتنوسہ میں نقلی بندوقیں لیکر داخل ہوگئے۔
انہوں نے نقلی بندوقوں کے بل پر بینک لوٹنے کی کوشش کی تاہم بینک حکام نے دونوں کو پکڑ کر اُن سے نقلی ہتھیار چھین لئے۔
پولیس ذرائع نے واقعہ کی تصدیق کرتے ہوئے نیوز ایجنسی کو بتایا کہ دونوں کو حراست میں لیا گیا ہے اور دونوں کیخلاف قانون کے تحت کارروائی عمل میں لائی جارہی ہے۔
