عظمیٰ نیوزسروس
جموں//جموں کے ضلع کٹھوعہ میں منگل کو اُس وقت ایک تلاشی مہم شروع کی گئی جب تین مشتبہ افراد کی نقل و حرکت دیکھی گئی۔حکام کے مطابق پیر کی رات دیر گئے راجباغ علاقے میں ایک خاتون نے تین مشتبہ افراد کو دیکھا، جس کے بعد فوری طور پر تلاشی مہم کا آغاز کیا گیا۔فوج، پولیس اور اسپیشل آپریشنز گروپ کی مشترکہ ٹیم اس مہم میں مصروف ہے، اور علاقے میں نگرانی سخت کر دی گئی ہے۔حکام نے مقامی لوگوں سے اپیل کی ہے کہ وہ ہوشیار رہیں اور کسی بھی مشتبہ سرگرمی کی فوری اطلاع پولیس کو دیں۔
