نئی دہلی//یو این آئی//کامرس اینڈ انڈسٹری کے مرکزی وزیر پیوش گوئل نے ہندستانی کووڈ ٹیکے کوویکسین کو تسلیم شدہ حیثیت دینے کا معاملہ اٹلی کے سامنے اٹھایا۔کامرس اینڈ انڈسٹری کی مرکزی وزارت نے سنیچر کو یہاں یہ اطلاع دیتے ہوئے بتایا کہ مسٹرگوئل نے ہند۔اٹلی اقتصادی تعاون مشترکہ کمیشن کی 21ویں میٹنگ کی صدارت کرتے ہوئے کہاکہ اٹلی کو ہندستانی کووڈ ٹیکے کو ویکسین کو جلد از جلد تسلیم شدہ حیثیت دی جانی چاہئے اور ہندستانیوں پر سفر ی پابندی ختم کرنی چاہئے ۔ انہوں نے ہندستانیوں کو اٹلی کا ویزادینے کے عمل کے وقت میں بھی کمی کرنے کیلئے کہا۔ یہ میٹنگ کل دیر رات آن لائن منعقد کی گئی۔ اس میں اٹلی کی نمائندگی وہاں کے خارجی امور اور بین الاقوامی تعاون کے وزیر لوئی ڈی ماو نے کی۔میٹنگ میں دونوں فریقین نے فوڈ پروسیسنگ، کپڑا، چمڑا، ریلوے ، اسٹارٹ اپ اور چھوٹی صنعتوں کو فرو غ دینے کے شعبوں میں دو طرفہ تجارت اور سرمایہ کاری اور اقتصادی تعاون پر وسیع بات چیت کی۔اس کے علاوہ تجارت اور سرمایہ کاری میں سہولت پیدا کرنے کے لئے دو طرفہ بازار تک پہنچ کے امور اور غیر ٹیرف رکاوٹوں پر بھی بات چیت کی گئی۔میٹنگ کے دوران تین ہندستانی کمپنیوں انڈین آئل کارپوریش، ادانی سولر، رینیو پاور اور تین اطالوی کمپنیوں اینل گرین پاور، اسنم، میئر ٹیکنومونٹ نے سبز معیشت، صاف تکنالوجی اور قابل تجدید توانائی کے استعمال کے فرو غ کے شعبوں پر پریزنٹیشن دیا۔
کو ویکسین کو تسلیم شدہ حیثیت دینے کامعاملہ
