کولی پورہ خانیارکے آتشزگان میں ریلیف تقسیم

 سرینگر//دارالخیر میرواعظ منزل کے سرپرست اعلیٰ اورحریت(ع) چیرمین میرواعظ کشمیر ڈاکٹر مولوی محمد عمر فاروق کی ہدایت پر دارالخیر میرواعظ منزل کے عہدیداوں اور ارکان کا ایک وفد نے کولی پورہ خانیار جاکرمتاثرین کی چاول ، کمبل اور کچن کٹ(Kitchen kit) وغیرہ اور بنیادی ضروریات کی چیزیں بطور امداد پیش کیں اور ان کے ساتھ ہمدردی کا اظہار کیا۔ میرواعظ نے آگ کی ایک بھیانک واردات میں نصف درجن رہائشی مکانات کے خاکستر ہونے اور بڑے پیمانے پر املاک و جائیداد کے نقصان پر دکھ اور افسوس کا اظہار کرتے ہوئے متاثرین کے ساتھ دلی ہمدردی اور یکجہتی کا اظہار کیا ہے اور موسم سرما کی آمد کے پیش نظر ان کی فوری باز آبادکاری کی ضرورت پر زور دیا ہے۔