اظہر حسین
کولگام//ضلع کولگام میں مہاتما گاندھی نریگا (MGNREGA) اسکیم کے تحت کام کرنے والے سینکڑوں لیبروںاور ورکروں نے منی سیکریٹریٹ کولگام کے باہر پرزور احتجاج کیا۔ مظاہرین نے بینرز اور پلے کارڈز اٹھا رکھے تھے جن پر “ہمیں ہمارا حق دو” اور “بقایا جات فوری واگذار کرو” جیسے نعرے درج تھے۔احتجاجی کارکنوں کا کہنا تھا کہ انہوں نے پچھلے کئی برسوںیعنی 2022، 2023، 2024 اور 2025کے دوران محکمہ دیہی ترقی کے مختلف پروجیکٹس میں محنت مزدوری کی، لیکن نہ تو انہیں مٹیریل چارجز کی رقم ملی اور نہ ہی واجب الادا مزدوری ادا کی گئی۔ ان کا الزام تھا کہ بار بار دفتروں کے چکر کاٹنے اور فریادیں کرنے کے باوجود صرف زبانی یقین دہانیاں دی جاتی رہی ہیں۔مظاہرین نے دھمکی دیتے ہوئے کہا کہ اگر آئندہ چند دنوں میں ان کے مطالبات پورے نہ کیے گئے تو وہ ضلع بھر میں بڑے پیمانے پر دھرنے، روڈ بلاک، اور احتجاجی ریلیاں نکالیں گے، جس کی تمام تر ذمہ داری ضلع انتظامیہ پر عائد ہوگی۔
10 سال پرانے بینک اکاؤنٹ کو لیکر آر بی آئی کا نیا اصو ل
