سرینگر// حکومت نے سنیچر کو کہا کہ پچھلے چوبیس گھنٹوں کے دوران کورونا وائرس کے 27نئے مثبت معاملات سامنے آئے ہیںجن میں سے 25کا تعلق کشمیر صوبے اور 2کا تعلق جموں صوبے سے ہے اور اس طرح مثبت معاملات کی کل تعداد666تک پہنچ گئی ہے۔
حکومت کی طرف سے جاری کئے گئے روزانہ میڈیا بلیٹن میں بتایا گیا ہے کہ نوول کورونا وائرس کے 666 مثبت معاملات سامنے آئے ہیں جن میں سے 404سرگرم معاملات ہیں ۔ 8 0کی موت واقع ہوئی ہے ۔ اب تک 254اَفراد شفایاب ہوئے ہیں۔
علاوہ ازیں اب تک 74,083افراد کو نگرانی میں رکھا گیا ہے جن کا سفر ی پس منظر ہے اور جو مشتبہ معاملات کے رابطے میں آئے ہیں۔ ان میں 9,816 اَفراد کو ہوم قرنطین میں رکھا گیا ہے جس میں سرکار کی طرف سے چلائے جارہے قرنطین مراکز بھی شامل ہیں ۔ اس کے علاوہ188 اَفراد کو ہسپتال قرنطین میں رکھا گیا ہے۔404کو ہسپتال آئیسولیشن میں رکھا گیا ہے جبکہ 7,174 اَفراد کو گھروں میں نگرانی میں رکھا گیا ہے۔اسی طرح بلیٹن کے مطابق56,493اَفرادنے 28روزہ نگرانی مدت پوری کی ہے۔
