پرویز احمد
سرینگر //جموں و کشمیر میں کورونا وائرس متاثرین کی تعداد میںدوسرے دن بھی ریکارڈ توڑ اضافہ ہوا ہے۔بدھ کو 6ماہ بعد جموں و کشمیر میں کورونا متاثر کی تعداد 400کا ہندسہ پار کرگئی۔ پچھلے 24گھنٹوں کے دوران کورونا وائرس کی تشخیص کیلئے 12ہزار 966ٹیسٹ کئے گئے جن میں 2مسافروں سمیت 434افراد کی رپورٹیں مثبت آئی ہیں۔ اس سے قبل 13فروری کو متاثرین 440افراد کورونا وائرس سے متاثر ہوئے تھے۔ جموں و کشمیر میں متاثرین کی مجموعی تعداد 4لاکھ 57ہزار 951ہوگئی ہے۔ اس دوران مسلسل تیسرے دن بھی کورونا وائرس سے جموں صوبے میں ایک شخص کی جان گئی ہے۔ متوفین کی مجموعی تعداد 4761ہوگئی ہے۔
محکمہ صحت کی جانب سے فراہم کئے گئے اعداد و شمار کے مطابق جموں و کشمیر میں کورونا وائرس سے 434افراد متاثر ہوئے ہیں جن میں جموں میں248جبکہ کشمیر میں 186افراد کی رپورٹیں مثبت آئی ہیں۔ کشمیر صوبے میں مثبت قرار دئے گئے سبھی 186افراد مقامی سطح پر رابطے میں آنے کی وجہ سے متاثر ہوئے ہیں۔ مثبت قرار دئے گئے 186افراد میں سرینگر میں147، بارہمولہ میں16، بڈگام میں11، پلوامہ میں 2، کپوارہ میں4، بانڈی پورہ میں 2، گاندربل میں3، شورپیان میں 1 جبکہ اننت ناگ اور کولگام میں کسی کی ررپورٹ مثبت نہیں آئی ہے۔ وادی میں متاثرین کی مجموعی تعداد 2لاکھ89ہزار 230ہوگئی ہے۔ اس دوران وادی میں مسلسل 17ویں دن بھی کورونا وائرس سے کسی کی موت نہیں ہوئی ہے۔ متوفین کی مجموعی تعداد 2425بنی ہوئی ہے۔ جموں صوبے میں بھی کورونا وائرس متاثرین کی تعداد میں بدستطور اضافہ ہوا ہے۔ جموں صوبے میں گذشتہ 24گھنٹوں کے دوران کورونا وائرس سے 248افراد متاثر ہوئے ہیں۔ جموںصوبے میں متاثر 248افراد میں 2بیرون ریاستوں کا سفر کرکے واپس لوٹے جبکہ دیگر 246افراد مقامی سطح پر رابطے میں آنے کی وجہ سے متاثر ہوئے ہیں۔ جموں صوبے میںمثبت قرار دئے گئے 248افراد میں ضلع جموں میں سب سے زیادہ 154، ادھمپور میں 19، راجوری میں6، ڈوڈہ میں 9، کٹھوعہ میں 31، سانبہ میں 6، پونچھ میں 8، رام بن میں 9، کشتواڑ میں 6 جبکہ ریاسی میں کسی کی رپورٹ مثبت نہیں آئی ہیں۔ متاثرین کی مجموعی تعداد1لاکھ 68ہزار712ہوگئی ہے۔ اس دوران جموں صوبے میں مسلسل تیسرے دن بھی کورونا وائرس سے ایک شخص کی جان گئی ہے۔ مرنے والے شخص کا تعلق ضلع جموں سے ہے۔ متوفین کی مجموعی تعداد 2336ہوگئی ہے۔
ہندوستان میں20,557 تازہ کیس،40اموات
نئی دہلی/یو این آئی/ ہندوستان میں 20,557 نئے کوویڈ انفیکشن کا اضافہ ہوا جس سے COVID-19 کیسوں کی کل تعداد 4,38,03,619 ہوگئی، جب کہ فعال کیسز بڑھ کر 1,45,654 ہوگئے۔40 نئی اموات کے ساتھ مرنے والوں کی تعداد 5,25,825 تک پہنچ گئی۔ ملک میں کووڈ ویکسین کی 200.61 کروڑ خوراکیں دی جا چکی ہیں۔
