سرینگر //جموں و کشمیر میں 107دنوں کے بعد روزانہ کی بنیاد پر کورونا وائرس سے متاثر ہونے والے افراد کی تعداد 200سے کم ہوگئی ہے۔ سنیچر کو جموں و کشمیر میں کورونا وائرس کی تشخیص کیلئے 58ہزار 568تشخیصی ٹیسٹ کئے گئے جن میں 5سفر کرنے والوں سمیت 185افراد کی رپورٹیں مثبت آئی ہیں۔اس سے قبل 25مارچ کو جموں و کشمیر میں 172افراد کورونا وائرس سے متاثر ہوئے تھے۔ متاثرین کی مجموعی تعداد 3لاکھ 18ہزار 469 ہوگئی ہے۔ اس دورا جموں و کشمیر میں مزید 2افراد کورونا وائرس سے فوت ہوگئے ہیں۔ متوفین کی مجموعی تعداد 4356ہوگئی ہے۔ گذشتہ 24 گھنٹوں کے دوران جموں و کشمیر میں کورونا وائرس سے مزید 185افراد فوت ہوگئے جن میں 74جموں جبکہ 111کشمیر میں متاثر ہوئے ہیں ۔ کشمیر کے 185متاثرین میںسرینگر میں41، بارہمولہ میں4، بڈگام میں 11 ,پلوامہ میں11،کپوارہ میں15، اننت ناگ میں6، بانڈی پورہ میں5،گاندربل میں13،کولگام میں3اور شوپیان 2افراد کی رپورٹیں مثبت آئی ہیں۔ متاثرین کی مجموعی تعداد 1 لاکھ 97 ہزار 737 ہوگئی ہے۔وادی میں مزید 1شخص وائرس سے فوت ہوگیا ہے۔ کشمیر صوبے میں متوفین کی مجموعی تعداد2230بنی ہوئی ہے۔ جموں صوبے میں74افراد کی رپورٹیں مثبت آئیں جن میں4بیرون ریاستوں اور ممالک سے سفر کرکے کشمیر پہنچے جبکہ70افراد مقامی سطح پر رابطے میں آنے کی وجہ سے متاثر ہوئے ہیں۔ جموں صوبے کے74متاثرین میں جموں میں22، ادھمپور میں3، راجوری میں11، ڈوڈہ میں16، کشتواڑ میں9، پونچھ میں,3رام بن میں,5کٹھوعہ میں4،سانبہ میں1اور ریاسی0 کی رپورٹیں مثبت آئی ہیں ۔ جموں صوبے میں متاثرین کی مجموعی تعداد120732ہوگئی ہے۔جموں صوبے میںپچھلے 24گھنٹوں کے دوران کورونا وائرس سے ایک شخص فوت ہوا ہے۔ مرنے والے شخص کو چند دن قبل جی ایم سی جموں میں داخل کیا گیا جہاں وہ سنیچر کو فوت ہوگیا ۔ متوفین کی مجموعی تعداد2126ہوگئی ہے۔
ملک میں مزید 42ہزار 766 معاملات
یو این آئی
نئی دہلی// ملک میں کوویڈ ۔ 19 کے یومیہ کیسز میں معمولی کمی رہی، لیکن گزشتہ 24 گھنٹوں کے دوران مہلک وائرس سے 1200 سے زیادہ افراد اپنی زندگی سے ہاتھ دھو بیٹھے ۔دریں اثنا جمعہ کو 30 لاکھ 55 ہزار 802 لوگوں کو کورونا ویکسین دی گئی۔ ملک میں اب تک 37 کروڑ 20 لاکھ 47 ہزار 24 افراد کی ٹیکہ کاری کی جا چکی ہے ۔مرکزی وزارت صحت کی جانب سے ہفتہ کی صبح جاری اعداد و شمار کے مطابق گذشتہ 24 گھنٹوں کے دوران کورونا کے 42،766 نئے کیسز سامنے آنے سے متاثرہ افراد کی تعداد 3 کروڑ سات لاکھ 95 ہزار 716 ہوگئی ہے ۔ اس دوران 44 ہزار 254 مریضوں کی بازیابی کے بعد اس وبا کو شکست دینے والے افراد کی مجموعی تعداد دو کروڑ 99 لاکھ 32 ہزار 538 ہوگئی ہے ۔ فعال کیسز 3694 سے گھٹ کر 4 لاکھ 55 ہزار 33 رہ گئے ہیں۔ اس دوران1206مریضوں کے فوت ہوجانے سے اموات کی تعداد بڑھ کر چار لاکھ سات ہزار 145 ہوگئی ہے ۔ملک میں فعال کیسز کی شرح کم ہوکر 1.48 فیصد، بازیابی کی شرح بڑھ کر 97.20 فیصد اور اموات کی شرح 1.32 ہوگئی ہے ۔
