عظمیٰ نیوز سروس
جموں //پی ایم جی ایس وائی کے تحت چھوڑے گئے علاقوں کو جوڑنے کیلئے جموں و کشمیر میں پی ایم جی ایس وائی کا چوتھا مرحلہ جلد ہی شروع کیا جائے گا ۔ یہ جانکاری جمعرات کو یہاں نائب وزیر اعلیٰ سریندر چودھری کی صدارت میں منعقدہ ایک میٹنگ میں دی گئی ۔ نائب وزیر اعلیٰ نے کہا کہ جموں و کشمیر میں پی ایم جی ایس وائی دسمبر 2000 میں اپنے آغاز کے بعد سے دیہی عوام کی آمدنی کو بہتر بنانے میں بہت مدد ملی ہے جبکہ 2001 کی مردم شماری کے مطابق تقریباً 99.5 فیصد اہل بستیوں کو پی ایم جی ایس وائی ۔i کے تحت تمام موسمی رابطہ فراہم کیا گیا ہے ۔ کچھ بستیاں جو کہ ماضی قریب میں دیہی ترقی اور سماجی و اقتصادی ترقی کی وجہ سے کافی پھیل گئی ہیں انہیں تمام موسمی سڑکوں کے ذریعے رابطے کی ضرورت ہے ۔ انہوں نے کہا کہ ان بستیوں کا احاطہ نہیں کیا جا سکتا اور انہیں خصوصی مداخلت کی ضرورت ہے اور جموں و کشمیر کی حکومت مرکز کے زیر انتظام علاقے میں پی ایم جی ایس وائی کے مرحلہ iv کے آغاز کیلئے سرگرم عمل ہے ۔ میٹنگ کو بتایا گیا کہ جموں و کشمیر کے مسلسل مطالبے کے بعد یونین منسٹری آف رورل ڈیولپمنٹ (ایم او آر ڈی ) نے پی ایم جی ایس وائی کا چوتھا مرحلہ شروع کرنے کی تجویز دی ہے تا کہ دیہی آبادیوں کو تمام موسمی رابطہ فراہم کیا جا سکے اور مردم شماری 2011 کو غیر منسلک بستیوں کی اہلیت کیلئے بنیاد بنایا جائے ۔ نائب وزیر اعلیٰ نے افسران کو ہدایت دی کہ وہ اس بات کو یقینی بنائیں کہ 2011 کی مردم شماری کے مطابق کسی بھی اہل کو نقشہ سازی کے بغیر نہ چھوڑا جائے اور اس سلسلے میں وزارت کی طرف سے جاری کردہ رہنما خطوط کے مطابق ضروری سروے مکمل کیا جائے ۔ میٹنگ میں بتایا گیا کہ 2011 کی مردم شماری کے مطابق 1500 میں سے 250 سے زائد آبادی والی 700 بستیوں کا سروے مکمل کر لیا گیا ہے ۔ میٹنگ میں یہ بھی بتایا گیا کہ مرکزی کابینہ نے 11 ستمبر 2024 کو غیر منسلک دیہی بستیوں کو جوڑنے کیلئے پی ایم جی ایس وائی کے چوتھے مرحلے کو منظوری دی ہے جو 2011 کی مردم شماری کے مطابق اپنی آبادی میں اضافے کے پیش نظر اہل ہو گئے ہیں جو کہ 2024-25 سے 2028-29 تک لاگو کیا جائے گا ۔ میٹنگ میں یہ بھی بتایا گیا کہ وزارت نے پی ایم جی ایس وائی مرحلہ چار کی غیر منسلک بستیوں کی ڈیجٹیل میپنگ کیلئے پی ایم جی ایس وائی گرام سڑک ایپ کے نام سے موبائل ایپ بھی لانچ کی ہے اس کے مطابق محکمہ نے پی ایم جی ایس وائی گرام سڑک ایپ کا استعمال کرتے ہوئے 2011 کی مردم شماری کے مطابق اہل بستیوں کو کنیکٹیویٹی فراہم کرنے کیلئے سڑک کے منصوبے کی صف بندی کو حتمی شکل دینے کا آغاز کیا ہے ۔ میٹنگ میں ڈائریکٹر یونین منسٹری آف دیہی ترقی رینا نذار ، ڈائریکٹر فائنانس آر اینڈ بی مظہر حسین ، چیف انجینئرز پی ایم جی ایس وائی جموں /کشمیر اور پی ایم جی ایس وائی مرحلہ iv کے دیگر سینئر افسران نے شرکت کی ۔
