کم خرچ پرعلاج دستیاب کرانا سرکار کا مقصد:مودی

نئی دہلی// وزیر اعظم نریندر مودی نے کہا ہے کہ ان کی سرکار کا مقصد صرف اسپتال ،بیماری، ادویہ اور جدید سہولیات تک محدود نہیں ہے بلکہ کم خرچ پر ملک کے ہر شخص کو علاج کی سہولیات دستیاب کرنا اور لوگوں کو بیمار بنانے والے اسباب کا پتہ لگانا ہے ۔ مسٹر مودی نے آل انڈیا انسٹی ٹیوٹ آف میڈیکل سائنسز (ایمس)میں سینئر شہریوں کیلئے جمعہ کو 300کروڑروپے کی لاگت سے بننے والے والے 'نیشنل سینٹر فار ایجنگ 'کا سنگ بنیاد رکھتے ہوئے کہا کہ ان کی حکومت نے گذشتہ چار سال کے دوران صھٹ کے شعبہ کو ترجیح دی ہے اور لوگوں کو عمومی طبی سہولیات کا فائدہ دینے کیلئے کئی قدم اٹھائے ہیں۔ سال2025تک ملک سے ٹی بی کے خاتمہ کے ہدف کا ذکر کرتے ہوئے کہا کہ ''دنیا کی نظر ہندوستان پر ہے کہ کیا وہ ایسا کر پائے گا۔