عظمیٰ نیوز سروس
سرینگر //کشمیر ویلی تائیکوانڈو کلب نے کا 2 روزہ تائیکوانڈو چیمپئن شپ کا انعقاد کیا، جس میں جموں و کشمیر بھر سے 400 سے زائد طلبا نے شرکت کی۔تائیکوانڈو، عالمی سطح پر تسلیم شدہ مارشل آرٹ ہے۔یہ تقریب جموں اور کشمیر کی تائیکوانڈو ایسوسی ایشن کے زیراہتمام منعقد کی گئی۔چیمپئن شپ کی اختتامی تقریب 116 TA بٹالین کے 2IC (سیکنڈ-اِن-کمانڈ)اور پونچھ سے راجندر سنگھ اور ساحل ڈگوریہ کی موجودگی سے سجی ،جنہوں نے مہمان خصوصی کی حیثیت سے خدمات انجام دیں اور شرکا اور جیتنے والوں کو اعزاز سے نوازا، ان کی حوصلہ افزائی کی گئی کہ وہ کھیلوں کو ایک طرز زندگی کے طور پر آگے بڑھائیں۔یہ چیمپئن شپ وادی میں تائیکوانڈو کو فروغ دینے میں ایک اور اہم قدم کی نشاندہی کرتی ہے اور جموں و کشمیر کے نوجوانوں میں مارشل آرٹس میں بڑھتی ہوئی دلچسپی اور ہنر کو اجاگر کرتی ہے۔
