سرینگر// وادی کشمیر میں کورونا وائرس سے متاثرہ عمر رسیدہ مریض کی شیر کشمیر انسٹی چیوٹ آف میڈیکل سائنسز بمنہ میں جمعہ کے روز موت واقع ہوگئی جس سے جموں و کشمیر میں اب تک وائرس سے متاثرہ مرنے والوں کی تعداد پانچ ہوگئی ہے۔
متذکرہ ہسپتال میں میڈیکل سپرنٹنڈنٹ کے مطابق شمالی کشمیر کے ضلع بارہمولہ کے قصبہ سوپور کے لال بب صاحب علاقے سے تعلق رکھنے والے ایک 70 سالہ وائرس متاثرہ مریض، جس کو دس روز قبل یہاں داخل کیا گیا تھا، کی جمعہ کے روز موت واقع ہوگئی۔
انہوں نے کہا کہ اس وقت مذکورہ ہسپتال میں کورونا وائرس کے 95 مریض زیر علاج ہیں۔
