امتیاز خان
کٹرہ// وزیر اعظم نریندر مودی کی جانب سے پہلی ٹرین سروس کو ہری جھنڈی دکھانے اور دیگر کئی ترقیاتی منصوبوں کا افتتاح کرنے کے موقعہ پر عوامی ریلی سے خطاب کے دوران لیفٹیننٹ گورنر منوج سنہا نے اسے ایک اہم موقع قرار دیا جو تاریخ میں لکھا جائے گا۔ لیفٹیننٹ گورنر نے تاریخی ریلوے پروجیکٹوں کو جموں کشمیر اور قوم کے نام وقف کرنے پر وزیر اعظم نریندر مودی کا تہہ دل سے شکریہ ادا کیا۔انہوں نے کہا”کشمیر سے کنیا کماری اب ایک نعرہ نہیں رہا ہے، وزیر اعظم نے اس دہائی کے خواب کو حقیقت میں بدل دیا ہے، انہوں نے لاکھوں ہندوستانیوں کے دلوں کو جوڑ دیا ہے، شمال سے جنوب تک ایک اٹوٹ رشتہ قائم کیا ہے‘‘۔لیفٹیننٹ گورنر نے کہاکہ ریل لنک وادی کشمیر کے لیے وندے بھارت ٹرینوں کے آغاز کے ساتھ، وزیر اعظم نے سردار ولبھ بھائی پٹیل اور ڈاکٹر شیاما پرساد مکھرجی کے عزم کو پورا کیا ہے، جنہوں نے ایک بھارت شریشٹھ بھارت کا خواب دیکھا تھا، “۔لیفٹیننٹ گورنر نے کہا کہ دنیا کے سب سے اونچے چناب ریلوے پل اور ملک کے پہلے کیبل اسٹیڈ انجی ریل برج کاافتتاح ، اس بات کو یقینی بناتا ہے کہ جموں و کشمیر ترقی کی نئی امنگوں سے جڑے رہیں۔لیفٹیننٹ گورنر نے کہا کہ وزیر اعظم نریندر مودی نے گزشتہ 6 سالوں میں جموں و کشمیر کو تبدیل کیا ہے۔انہوں نے کہا”اس کی ہمہ گیر ترقی وزیر اعظم کی اولین ترجیح ہے اور ان کی مختلف پالیسیوں، تیزی سے نفاذ اور صنعت کاری نے مرکز کے زیر انتظام علاقے کو ترقی کے مرکز میں لایا ہے‘‘۔لیفٹیننٹ گورنر نے مزید کہاکہ وزیر اعظم نے اگست 2019 کے بعد جموں و کشمیر میں سماجی و اقتصادی انقلاب کی ایک نئی مشعل روشن کی تھی۔ انہوں نے جموں و کشمیر میں معاشی ترقی کے مضبوط ستون بنائے اور اب جموں و کشمیر کو ایک نئی رفتار سے تبدیل کرنے کے لیے اس پر ریلوے لائنوں کی شکل میں تقدیر کی نئی لکیریں ڈالیں۔لیفٹیننٹ گورنر نے دہشت گردی اور اس کے ماحولیاتی نظام کے خلاف ٹھوس اور فیصلہ کن کارروائی کو یقینی بنانے پر وزیر اعظم کا شکریہ ادا کیا۔لیفٹیننٹ گورنر نے کہا”آپریشن سندور نے پہلگام میں وحشیانہ دہشت گردانہ حملے کا بدلہ لیا، اور ایک نئی سرخ لکیر کھینچ دی ہے،ایک طرف ہماری مسلح افواج کی بے مثال طاقت ملک کی سالمیت کی حفاظت کے لیے تیار ہے اور دوسری تخلیقی طاقت ترقی یافتہ ہندوستان کے لیے وقف ہے،” ۔
