عاصف بٹ
کشتواڑ// جمعرات کی صبح کشتواڑ ضلع کے بالائی علاقوںمیں ہوئی موسلادھار بارشوں کے سبب متعدد مقامات پر جہاں پسیاں گرآئیں وہیں متعدد مقامات پر سیلابی صورتحال پیدا ہوئی۔ تفصیلات کے مطابق دورافتادہ علاقہ مڑواہ کے رنئائی اے و بی پنچایت میں بارشوں کے سبب جہاں اراضی کو نقصان پہنچا وہیںمتعدد بھیڑبھی ہلاک ہوئےجبکہ میوہ باغات و فصلوں کو بھاری نقصان پہنچا۔ اس علاقے میں تتہ پانی کے قریب لکڑی کے بنے ہوئے عارضی پل کو بھی شدید نقصان پہنچاہے۔ ادھرعلاقہ بونجواہ کے پاٹشالہ میں بھی بھاری نقصان کی اطلاع ملی ہے جہاں نالےمیں پانی بڑھ جانے سے فصلوں کو شدید نقصان پہنچا ہےاور پانی لوگوں کے گھروں میں داخل ہوا ہے ۔درابشالہ کے کنور گائوں میں شدید بارشوں سے سیلاب جیسی صورتحال پیداہوئی اور سڑکوں نے نالوں کی شکل اختیار کی ۔ علاقہ میں متعدد مقامات پر پسیاں و مٹی گرآنے کے سبب سڑکیں بند پڑی ہوئی ہیں جنھیں بحال کرنے کا کام جاری ہے۔انتظامیہ نے فوری طور ٹیموں کو روانہ کیا تاکہ جلدازجلد نقصان کا پتہ لگایاجاسکے اور متاثرین کو فوری امداد فراہم کی جاسکے۔
