عظمیٰ سپورٹس ڈیسک
ممبئی// انٹرنیشنل اولمپک کمیٹی نے کرکٹ سمیت پانچ کھیلوں کو اولمپک گیمز میں شامل کرنے کی منظوری دے دی۔ اس کا باقاعدہ اعلان ممبئی میں جاری آئی او سی کے ایگزیکٹو اجلاس میں کیا گیا۔ترجمان آئی او سی کے مطابق آئی او آئی سی نے شرکا اجلاس کے تجویز کردہ تمام کھیلوں کو اولمپکس 2028 کا حصہ بنانے کی منظوری دے دی ہے، جن میں کرکٹ، اسکواش، بیس بال ساف بال، فیلگ فٹبال اور لیکروس شامل ہیں۔اس سے قبل 1900 میں منعقدہ پیرس اولمپکس میں انگلینڈ اور فرانس کے درمیان گولڈ میڈل کیلئے میچ کھیلا جا چکا ہے۔لاس اینجلس اولمپکس میں مردوں اور خواتین کے میچز ٹی20 فارمیٹ کے تحت ہوں گے۔ اولمپک گیمز میں کرکٹ کی شمولیت سے ایشیا میں بالخصوص ممکنہ طور پر آمدنی کے نئے راستے کھل جائیں گے۔اس سے اولمپک گیمز کے نشتریاتی حقوق کی فروخت سے بھی متنظمین کو خطیر رقم ملے گی۔
