عظمیٰ نیوز سروس
راجوری//ضلع راجوری کے کالاکوٹ سب ڈویژن میں پیش آئے ایک سڑک حادثے میں ایک فوجی اہلکار لقمہ اجل بن گیا جبکہ دوسرا شدید زخمی ہوگیا ۔ذرائع کے مطابق سب ڈویژن کالا کوٹ کے بڈوگ علاقہ میں پیر کو 63 راشٹریہ رائفلز (آر آر) کی گاڑی کے حادثے میں ایک فوجی جوان کی جان چلی گئی، جب کہ دوسرا زخمی ہوگیا۔سرکاری ذرائع نے بتایا کہ حادثے میں ایک اہلکار نے بتایا کہ ایک فوجی اپنی جان سے ہاتھ دھو بیٹھا، جب کہ دوسرا اس حادثے میں زخمی ہوا اور اسے طبی علاج کے لئے کالاکوٹ کے کمیونٹی ہیلتھ سینٹر (CHC) میں فوری طور پر منتقل کیا گیا۔ انہوں نے بتایا کہ اس سلسلہ میں مزید تحقیقات شروع کر دی گئی ہیں ۔
