کامران اکمل افغانستان کرکٹ لیگ کے مہنگے ترین غیر ملکی کرکٹر

لاہور//پاکستان سپر لیگ کے دوسرے ایڈیشن کی چمپئن پشاور زلمی کے وکٹ کیپر بلے باز کامران اکمل افغانستان کرکٹ لیگ کے مہنگے ترین غیر ملکی کرکٹر بن گئے ۔رواں سال جولائی میں افغانستان میں ہونے والی ٹی 20 لیگ ''شپاغیزہ کرکٹ لیگ'' میں شریک ''کابل ایگلز'' کی ٹیم نے کامران اکمل کی خدمات پانچ اعشاریہ دو ملین افغان کرنسی یعنی 72,000 امریکی ڈالرز میں حاصل کر لی ہیں اور یوں کامران اکمل افغان ٹی 20 لیگ 2017 کے سب سے مہنگے کرکٹر بن گئے ہیں۔کامران اکمل شاندار کارکردگی کے بعد پاکستان سپر لیگ کے بہترین بلے باز بھی قرار پائے تھے ، پشاور زلمی کے ایک اور کھلاڑی عمران خان جونیئر بھی لیگ میں شامل ہوں گے ۔ یو این آئی