عظمیٰ نیوز سروس
نئی دہلی//انڈیا اسکل مقابلوں میں دہلی پبلک اسکول سرینگر کے محسن ناصر اور مصطفی صہیب نے خود مختار موبائل روبوٹکس میں گولڈ میڈل حاصل کیا۔ ان کی شاندار کارکردگی نے انہیں فرانس میں ستمبر میں شیڈول عالمی ہنر مقابلہ 2024 میں ہندوستان کی نمائندگی کرنے کا اعزاز حاصل کیا ہے۔ یہ پہلا موقع ہے جب جموں و کشمیر کی کسی ٹیم نے روبوٹکس میں مہارت کے مقابلے میں سرفہرست مقام حاصل کیا ہے۔اس کے علاوہ، دہلی پبلک سکول سرینگر کے 11ویں جماعت کے طالب علم محمد حماد کو اس شعبے میں ان کی غیر معمولی مہارت اور علم کو تسلیم کرتے ہوئے کلاؤڈ کمپیوٹنگ میں تمغہ حسن کارکردگی سے نوازا گیا۔مقابلوں کے بارے میں بات کرتے ہوئے محسن اور مصطفی نے کہا ’’ہم پورے مقابلے میں سب سے کم عمر ٹیم تھے اس کے باوجود ہم نے اثر ڈالا۔ ٹیم اگلے 3 مہینوں تک پونے میں صنعتی ماہرین کے ساتھ عالمی مقابلوں کی تیاری کرے گی اور ہندوستان کیلئے طلائی تمغہ جیتنے کی امید رکھتی ہے۔ٹیم کے سرپرست شفاعت احمد، جو ڈی پی ایس سرینگر میں روبوٹکس لیبارٹری کے سربراہ ہیں، نے کہا’’محسن اور مصطفی نے غیر معمولی لگن اور ذہانت کا مظاہرہ کیا ہے۔ ان کی کامیابی اس محنت اور جذبے کی عکاس ہے جو انہوں نے روبوٹکس میں مہارت حاصل کرنے میں لگائی ہے۔ ہم انہیں فرانس میں عالمی سطح پر ہندوستان کی نمائندگی کرتے ہوئے دیکھ کر بہت پرجوش ہیں‘‘۔پرنسپل شفق افشاں نے بھی طلباء کی ستائش کرتے ہوئے کہا’’یہ جیت DPS سرینگرکیلئے ایک قابل فخر لمحہ ہے۔ ایسے پر وقار مقابلے میں ہمارے طلباء کی کامیابیاں ان کی غیر معمولی صلاحیتوں اور اعلیٰ معیار کی تعلیم کو ظاہر کرتی ہیں جو ہم فراہم کرنے کے لیے کوشاں ہیں‘‘۔چیئرمین وجے دھر نے کہا’’طالب علموں کو روبوٹکس اور اے آئی میں جدید ترین مہارتوں سے آراستہ کرنے پر ہماری توجہ کا صحیح معنوں میں فائدہ ہوا ہے۔ محسن، مصطفی اور حماد کی کامیابی ہمارے لیے جدید ترین سہولیات اور مواقع فراہم کرنے کی اہمیت کو واضح کرتی ہے۔ طالب علموں کو سبقت حاصل کرنے کیلئے ہم انہیں مستقبل میں مزید بلندیوں کو حاصل کرنے کے منتظر ہیں‘‘۔
