رام بن// ڈپٹی کمشنر رام بن مسرت الاسلام نے سب ڈویژن بانہال میں ایک میگا ہفتہ وار بلاک دیوس میٹنگ کی صدارت کی اور عوام کے مسائل اور شکایات سنیں۔بی ڈی سی کی چیئرپرسن راشدہ بیگم، ڈی ڈی سی کونسلر امتیاز کھانڈے، ڈی ڈی سی کونسلر رامسو، فیاض احمد، اے ڈی سی ہربنس لال، ایس ڈی ایم ظہیر عباس، ACD، اشوک کٹوچ اور کئی دیگر سینئر افسران،پنچایتی نمائندوںاور ممتاز شہریوں نے میٹنگ میں شرکت کی۔ڈپٹی کمشنر نے عوامی مسائل کا جواب دیتے ہوئے بتایا کہ سپورٹس سٹیڈیم کا مطالبہ پہلے ہی حکومت کے نوٹس میں لایا جا چکا ہے۔انہوں نے کہا کہ نوجوانوں کی شمولیت کے پروگراموں سے متعلق کئی دیگر منصوبوں کی منظوری دی گئی ہے اور مزید پائپ لائن میں ہیں۔ڈی سی نے مختلف شعبوں کے تحت بنیادی سہولیات اور معیاری خدمات کی فراہمی کے لیے ضلعی انتظامیہ کے اقدامات پر روشنی ڈالی۔انہوں نے مزید بتایا کہ PMAY اور MGNREGA میں التوا کا مسئلہ پہلے ہی حکومت کو پیش کیا جا چکا ہے۔ انہوں نے یقین دلایا کہ کالج روڈ کی تکمیل کا مطالبہ ترجیحی بنیادوں پر اٹھایا جائے گا۔سی ایم او کو ہدایت کی گئی کہ وہ مرکز صحت نوگام کی افادیت کو چیک کریں اور علاقے میں صحت کی سہولیات کو مضبوط بنانے کے لیے تجویز پیش کریں۔ انہوں نے ایس ڈی ایم بانہال اور ا یگزیکٹیو انجینئر پی ڈبلیو ڈی کو بھی ہدایت دی کہ وہ بانہال میں ڈائیٹ بلڈنگ کا دورہ کریں اور اس کی جلد تکمیل اور کام کے لیے رپورٹ پیش کریں۔انہوں نے ضلعی اور سیکٹرل افسران پر زور دیا کہ وہ اپنے متعلقہ محکموں سے متعلق عوام کے مسائل ترجیحی بنیادوں پر حل کریں۔قبل ازیں، مقامی لوگوں نے اپنے مطالبات پیش کیے اور بانہال کے لیے سپورٹس سٹیڈیم، زیر التواء پی ایم اے وائی قسطوں کی اجرائی، آواس پلس پورٹل کا اجرا، ایم جی نریگا کے تحت ذمہ داریوں کی اجرائی، تعمیراتی کمپنیوں میں مقامی نوجوانوں کی شمولیت، صحت اور تعلیمی اداروں میں عملے کی کمی کو پورا کرنے کا مطالبہ کیا۔ ڈپٹی کمشنر نے زیادہ تر مطالبات موقع پر ہی حل کئے اور عوام کو یقین دلایا کہ بقیہ مسائل کو مقررہ مدت میں پورا کیا جائے گا۔بعد ازاں ڈپٹی کمشنر نے گورنمنٹ گرلز ہائیر سیکنڈری سکول بانہال کا بھی دورہ کیا اور طالبات سے بات چیت کی۔ انہوں نے انہیں مختلف شعبوں میں مقابلہ جاتی امتحانات کی تیاری پر توجہ دینے کی ترغیب دی۔ انہوں نے طالبات کے لیے کلاسوں میں سجاوٹ اور دیگر انتظامات پر اسکول انتظامیہ کو سراہا۔ڈی سی نے طالبات کو شخصیت کی مجموعی ترقی کے لیے ہر شعبے میں حصہ لینے اور اپنے مستقبل میں مطلوبہ پیشہ اور مقام حاصل کرنے کی ترغیب دی۔
ڈی سی رام بن نے بانہال میں یوم بلاک میٹنگ کی صدارت کی
