اشتیاق ملک
ڈوڈہ //ڈوڈہ ضلع کی سب ڈویژن گندوہ کے منو میں آتشزدگی کی پراسرار واردات میں چار منزلہ رہائشی مکان خاکستر ہوا ہے جس میں بھاری مالیت کا سامان جل کر راکھ ہوا ہے۔اطلاعات کے مطابق پیر کی صبح سب ڈویژنل ہیڈکواٹر گندوہ سے تقریباً تیس کلومیٹر کی دوری پر واقع گاؤں منو میں حاجی نور بخش کے چار منزلہ رہائشی مکان سے آگ نمودار ہوئی جو چند ہی لمحوں میں پورے مکان میں پھیل گئی۔اس دوران مقامی لوگ و پولیس کی ٹیم موقع پر پہنچی اور بچاؤ کاروائی شروع کی تاہم چار منزلہ رہائشی مکان کی بالائی دو منزلیں مکمل طور خاکستر ہوئیں جس میں بھاری مالیت کا سامان جل کر راکھ ہوا۔اس دوران کوئی جانی نقصان نہیں ہوا ہے۔پولیس نے معاملہ درج کر کے مزید تحقیقات شروع کی ہے۔
