اشتیاق ملک
ڈوڈہ //ڈوڈہ ضلع میں میں پیش آئے 3 الگ الگ سڑک حادثات میں ایک شخص جاں بحق و 6 دیگر زخمی ہوئے ہیں۔ہفتہ کی شام ڈوڈہ سے پدارنہ کی طرف جارہی ایک ٹاٹا موبائل زیر نمبری JK06A-9737 و سیکوٹی کے درمیان پدارنہ ببور کے نزدیک ٹکرا گئی سڑک سے تقریباً ڈھائی سو فٹ نیچے گہری کھائی میں جا گری جس کے نتیجے میں 4 افراد شدید زخمی ہوئے ۔اس حادثہ کے فوراً بعد مقامی لوگ و پولیس کی ٹیم موقع پر پہنچی اور زخمیوں کو گورنمنٹ میڈیکل کالج ڈوڈہ منتقل کیا گیا جہاں پر ڈاکٹروں نے ٹاٹا موبائل ڈرائیور وسیم سجاد ولد عبد الرحمن سکنہ روتی پدارنہ کو مردہ قرار دیا جبکہ طالب حسین و عاقب حسین ولد جاوید اقبال سکنہ نلوہ و پنجاب سنگھ ولد گاندھی سنگھ سکنہ جودھپور زخمی ہوئے ہیں۔ادھر بھدرواہ گلڈنڈہ میں پیش آئے ایکس یو وی گاڑی زیر نمبری JK06BG-0764 حادثہ میں دو افراد زخمی ہوئے ہیں جنہیں مقامی لوگوں و پولیس کی ٹیم نے بھدرواہ ہسپتال منتقل کیا ہے۔ ان کی شناخت سنجے منہاس ولد ہنس راج سکنہ درڈو و سندیپ منہاس ولد لیکھ راج سکنہ پریم نگر کے طور پر ہوئی ہے. بھدرواہ میں ہی دیر شام پیش آئے ایک اور سڑک حادثہ میں ایک شخص زخمی ہوا ہے۔ پولیس ذرائع کے مطابق آٹو رکشہ زیر نمبری JK06B-8140 دومیل کے پاس حادثہ کا شکار ہوا جس کے نتیجے میں ڈرائیور حامد علی (34)ولد محمد اسلم ساکنہ پرانوں زخمی ہوا جسے بھدرواہ ہسپتال منتقل کیا ہے۔ اس طرح سے ہفتہ کے روز ڈوڈہ ضلع میں پیش آئے 3 سڑک حادثات میں 6 افراد زخمی و ایک جاں بحق ہوا ہے۔
ڈوڈہ میں 3الگ الگ سڑک حادثات | 1 شخص جاں بحق، 6 دیگر زخمی
