عظمیٰ نیوزسروس
ڈوڈہ//محکمہ دیہی ترقی اور پنچایتی راج، جموں و کشمیر نے پنچایت ایڈوانسمنٹ انڈیکس پر ایک روزہ ضلعی سطح کی ورکشاپ کا انعقاد ڈی سی آفس کمپلیکس، ڈوڈہ کے کانفرنس ہال میں کیا۔اس تقریب کی صدارت اسسٹنٹ کمشنر ریونیو ڈوڈہ اشرف پرویز نے کی اور اس میں اسسٹنٹ کمشنر پنچایت ڈوڈہ مشرف علی ہاف، پروگرام آفیسر آئی سی ڈی ایس ڈوڈہ اختر حسین قاضی، مختلف محکموں کے افسران اور اہلکاروں نے بھرپور شرکت کی۔ورکشاپ نے پنچایت اسسمنٹ انڈیکس اور پنچایت ڈیولپمنٹ انڈیکس کے بارے میں تفصیلی بصیرت پیش کی، جو کہ وسیع تر PAI 2.0 فریم ورک کا حصہ ہیں۔ یہ اشاریے لوکلائزڈ سسٹین ایبل ڈیولپمنٹ گولز کے ساتھ منسلک ہیں اور ان کا مقصد کلیدی موضوعاتی شعبوں میں مجموعی ترقی کا جائزہ لینا اور اسے فروغ دینا ہے۔شرکاء نے PAI ڈیجیٹل پورٹل پر ہینڈ آن ٹریننگ حاصل کی۔کشاپ میں PAI 1.0 سے سیکھنے کا ایک خلاصہ بھی پیش کیا گیا، جس میں PAI 2.0 میں متعارف کرائی گئی کلیدی بہتریوں، اپ ڈیٹ شدہ ورک فلو اور اسٹیک ہولڈرز کے واضح طور پر بیان کردہ کردار کو نمایاں کیا گیا۔
