عظمیٰ نیوز سروس
ڈوڈہ//ضلع ترقیاتی کمشنر (ڈی ڈی سی) ڈوڈہ ہرویندر سنگھ کی صدارت میں ضلع سطح کی مجاز کمیٹیوں نے ’ممکن‘تجسیوی ودیگر سکیموں کے تحت اہل بے روزگار نوجوانوں کو رعایتی مالی امداد کے لئے 4062 معاملات کو منظوری دی۔ ڈی ڈی سی ہرویندر سنگھ کی زیر صدارت ڈسٹرکٹ لیول ٹاسک فورس کمیٹی (ڈی ایل ٹی ایف سی) نے خواہشمند کاروباریوں سے بات چیت کی اور ان سے امکانات، ہر درخواست دہندہ کے ذریعہ تجویز کردہ سیٹ اپ کے دائرہ کار اور ان کے منصوبوں کی آپریشنل حکمت عملی کے بارے میں پوچھا۔ ڈی ڈی سی نے متعلقہ افسران پر زور دیا کہ وہ مستحقین کو مناسب ہینڈ ہولڈنگ فراہم کریں اور منظور شدہ کیسوں کی بروقت ادائیگی کو یقینی بنائیں۔ انہوں نے فائدہ اٹھانے والے کاروباریوں کو مشورہ دیا کہ وہ سخت محنت کریں، اپنی صلاحیت کو ثابت کریں اور نہ صرف اپنے لئے بلکہ دوسروں کے لئے بھی روزگار کے مواقع پیدا کریں۔ڈی ڈی سی ہرویندر سنگھ کی صدارت میں DLIC ڈوڈہ نے مشن یوتھ اسکیموں کے نفاذ کا جائزہ لیا ۔ڈسٹرکٹ ڈیولپمنٹ کمشنر (DDC) کی زیر صدارت میٹنگ کا مقصد نوجوانوں پر مبنی ان اقدامات کے اثرات کا جائزہ لینا تھا۔ ابتدائی بحث میں کمیٹی نے مشن یوتھ اسکیموں کی حالت کا جائزہ لیا۔تیجسوینی اسکیموں کے تحت، تین خواتین کو منافع بخش روزی روٹی کے لئے اپنا کاروبار شروع کرنے کے لئے مالی امداد کی منظوری ملی، جب کہ اسپرنگ انٹرپرینیورشپ اسکیم کے تحت، 6 بے روزگار نوجوانوں نے اپنے مجوزہ منصوبوں کے لئے منظوری حاصل کی۔ضلعی سطح کی ٹاسک فورس کمیٹی (ڈی ایل ٹی ایف سی) نے جموں و کشمیر رورل ایمپلائمنٹ جنریشن پروگرام (جے کے آر ای جی پی) کے تحت 33 سیلف ایمپلائمنٹ کیسز کی منظوری دی ہے تاکہ اہل بے روزگار مستفیدین کو اپنا ذریعہ معاش شروع کرنے کے لئے مالی مدد فراہم کی جائے۔ضلع ترقیاتی کمشنر ڈوڈہ نے بھی میٹنگ کے دوران پی ایم وشوکرما اسکیم کے تحت 3969 معاملات کو منظوری دی۔جنرل منیجر ڈسٹرکٹ انڈسٹریز سنٹر نے 3969 کاریگروں کی ایک تازہ ترین فہرست فراہم کی جنہیں دوسرے درجے کی مکمل تصدیق کے بعد ضلعی سطح کی کمیٹی میں منظور کیا گیا ہے۔ یہ بھی بتایا گیا کہ 240 کیسز پہلے ہی منظور ہو چکے ہیں، اور محکمہ کے پاس 13094 کاریگروں کی فہرست تیار ہے جنہوں نے آن لائن درخواستیں دی ہیں۔
