سرینگر//سیکورٹی فورسز نے بدھ کو دعویٰ کیا کہ انہوں نے ڈوڈہ ضلع میں ایک شہری کو 9.75کلو گرام بارودی مواد سمیت گرفتار کرلیا۔دعویٰ کے مطابق گرفتار شدہ سے دھماکہ کرنے میں کام آنے والی تار بھی بر آمد ہوئی ہے۔
نیوز ایجنسی کے این او نے فوجی بیان کا حوالہ دیتے ہوئے لکھا ہے کہ ڈوڈہ کے گندنا علاقے میں گذشتہ روز ایک مصدقہ اطلاع کے بعد دھماکہ خیز مواد بر آمد کیا گیا۔بر آمد شدہ مواد میں78جیلاٹین اور275میٹر تار شامل ہے۔
فوج کے مطابق اس ضمن میں کیس درج کراکے مزید تحقیقات شروع کی گئی ہے۔
