عظمیٰ نیوزسروس
ڈوڈہ//محکمہ یوتھ سروسز اینڈ اسپورٹس ڈوڈہ نے انڈور اسٹیڈیم میں انٹر زونل ڈسٹرکٹ لیول یوتھ فیسٹیول کا انعقاد کیا۔ یہ تقریب ڈائریکٹر جنرل یوتھ سروسز اینڈ اسپورٹس جموں و کشمیر یو ٹی راجندر سنگھ تارا کی ہدایت پر منعقد ہوئی اور اس کی رہنمائی جوائنٹ ڈائریکٹر یوتھ سروسز اینڈ اسپورٹس جموں وید پرکاش نے کی۔میلے میں ڈسٹرکٹ یوتھ سروسز اینڈ اسپورٹس آفیسر ڈوڈہ، سنیل کمار اور نہرو یووا کیندر سنگٹھن ٹریننگ آف ٹرینرز جگنو بھگت کی موجودگی دیکھی گئی۔تقریب کے آغاز سے پہلے ڈسٹرکٹ یوتھ سروسز اینڈ اسپورٹس آفیسر ڈوڈہ نے شرکاء سے خطاب کیا، انہیں مقابلے کے لیے رہنمائی کی پیشکش کی اور اپنی نیک تمناؤں کا اظہار کیا۔ انہوں نے ان کی حوصلہ افزائی کی کہ وہ میلے میں پورے جوش و خروش کے ساتھ اپنی صلاحیتوں کا مظاہرہ کریں۔ اس میلے نے نوجوانوں کو مختلف ثقافتی اور تخلیقی کیٹیگریز میں اپنی صلاحیتیں دکھانے کے لیے ایک پلیٹ فارم فراہم کیا۔تقریباً 120شرکاء، طالب علم اور غیر طالب علم، ضلع کے تمام 10زونوں سے، میلے میں حصہ لیا۔ انہوں نے مقامی لوک گیتوں، لوک رقص، مصوری، دستکاری، مضمون نگاری، تقریر، سولو گانے، اور سولو ڈانس میں اپنی صلاحیتوں کا مظاہرہ کیا۔ متحرک پرفارمنس نے ڈوڈہ کے نوجوانوں کی بھرپور ثقافتی ورثے اور تخلیقی صلاحیتوں کو اجاگر کیا۔ایک اسکریننگ کمیٹی، جس میں ماہرین ظفر اللہ خان ،انجم ریز اور رویندر سنگھ شامل تھے، کو ایونٹ سے بہترین دستے کا انتخاب کرنے کا کام سونپا گیا تھا۔ منتخب شرکاء ڈویژن لیول کے یوتھ فیسٹیول میں ضلع کی نمائندگی کریں گے، ٹیلنٹ اور ثقافتی اظہار کو مزید فروغ دیں گے۔
