اشتیاق ملک
ڈوڈہ //ڈوڈہ ضلع کے بالائی علاقوں میں پیر کے روز ہوئی شدید بارشوں کے نتیجے میں ندی نالوں میں سیلابی صورتحال پیدا ہوئی اور رابطہ سڑکیں و پگڈنڈی راستے زیر آب آگئے جبکہ بیشتر علاقوں میں پانی و بجلی نظام بھی متاثر ہوا ہے۔اطلاعات کے مطابق پیر کو بعد دوپہر ڈوڈہ ضلع کے بھدرواہ ،ٹھاٹھری ،گندوہ و بھلیسہ کے مضافات میں شدید بارش شروع ہوئی اور بالائی علاقوں میں بادل پھٹنے کے واقعات بھی پیش آئے جس کے نتیجے میں سیلابی صورتحال پیدا ہوئی اور کئی مقامات پر لکڑی کے عارضی پل و پگڈنڈی راستے سیلابی ریلے میں بہہ گئے۔اس دوران بجلی کے ترسیلی نظام کو بھی نقصان پہنچا ہے جس کی وجہ سے گندوہ بھلیسہ، ٹھاٹھری ،کاہرہ و بھدرواہ کے کئی دیہات گھپ اندھیرے میں ہیں جبکہ پانی کی متعدد سکیمیں بھی سیلاب سے متاثر ہوئی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
