عظمیٰ نیوز سروس
سرینگر//ڈرئی لینڈ ایگریکلچرریسرچ سنٹر رنگریٹ سرینگر میں “Risk Mitigation & Technology Management Strategies for Enhanced Production under Rainfed Ecologies” کے موضوع پر کل2 روزہ صلاحیت سازی کا پروگرام شروع ہوا۔ پروگرام کا انعقاد ہولیسٹک ایگریکلچر ڈیولپمنٹ پروگرام کے تحت کیا جا رہا ہے جس میں وادی بھر میں محکمہ زراعت کے تقریباً پچاس افسران شرکت کر رہے ہیں اور انہیں فصلوں کی پیداوار میں چیلنجنگ مسائل اور بارانی ماحولیات کے تحت پیداوار اور پیداواری صلاحیت بڑھانے کے لیے ان کے انتظام کے بارے میں آگاہ کیا جائے گا۔ڈاکٹر ظہور احمد ڈار، ایسوسی ایٹ ڈائریکٹر ریسرچ، DARS، رنگریٹ نے تقریب کے دوران علاقائی اور قومی سطح پر خوراک اور غذائیت کی حفاظت کے لیے DARS، SKUAST-کشمیر کے کردار پر روشنی ڈالی۔ تقریب کے دوران، لازمی فصلوں کے کراپ کارڈز فیلڈ فنکشنز اور زمینی سطح پر ان کے استعمال کے لیے تیار حوالہ کے طور پر جاری کیے گئے ۔
