عظمیٰ نیوز سروس
کشتواڑ//جموں و کشمیر کے لیبر کمشنر چرندیپ سنگھ کی ہدایات اور نیشنل ہیومن رائٹس کمیشن (این ایچ آر سی) کے رہنما خطوط کے مطابق، محکمہ محنت اور روزگار، کشتواڑ نے موٹر وہیکل ڈپارٹمنٹ (ایم وی ڈی) کے تعاون سے ) نے ٹرک ڈرائیوروں، مددگاروں، اور ساتھی ڈرائیوروں کے لئے ای شرم پورٹل کے رجسٹریشن اور فوائد کے بارے میں ایک بیداری کیمپ کا انعقاد کیا۔کیمپ کا مقصد شرکاء کو درکار ضروری دستاویزات اور ای شرم پورٹل پر رجسٹر کرنے کے فوائد کے بارے میں آگاہ کرنا تھا۔اس تقریب میں ڈپٹی لیبر کمشنر جموں ونکشی کول ،اسسٹنٹ لیبر کمشنر، کشتواڑ، ممتا سدرشن؛ انسپکٹر، ایم وی ڈی، کشتواڑ؛ دونوں محکموں کا عملہ، اور ڈرائیور یونین کے نمائندے، بشمول /ٹرک ڈرائیور، مددگار، اور ساتھی ڈرائیورنے شرکت کی۔ اسسٹنٹ لیبر کمشنرکشتواڑ نے بتایا کہ یہ اقدام غیر منظم شعبے میں کارکنوں کی فلاح و بہبود کو فروغ دینے کی حکومت کی کوششوں سے ہم آہنگ ہے۔انہوں نے مزید کہا کہ ای-شرم پورٹل رجسٹریشن کا مقصد اہل کارکنوں کو بیمہ اور پنشن اسکیموں سمیت سماجی تحفظ کے فوائد فراہم کرنا ہے۔
