کہاحکومت سکولی بچوں میں صلاحیت پیدا کرنے کیلئے ٹیکنالوجی ترغیبات پیش کر رہی ہے
عظمیٰ نیوزسروس
رام کوٹ (کٹھوعہ)// مرکزی وزیر مملکت (آزادانہ چارج) برائے سائنس و ٹیکنالوجی اور ارتھ سائنسز اور وزیر اعظم کے دفتر میں وزیر مملکت، عملہ، عوامی شکایات اور پنشن، محکمہ جوہری اور محکمہ اسپیس کے ڈاکٹر جیندرا سنگھ نےیہاں نئے منظور شدہ کیندریہ ودیالیہ کے پہلے تعلیمی سیشن کا افتتاح کرنے کے بعد اجتماع سے خطاب کرتے ہوئےسکولی بچوں میں اختراعات اور سٹارٹ اپ کے امکانات کو تیار کرنے، شناخت کرنے اور ان کی حوصلہ افزائی کے لیے مودی حکومت کی جانب سے سائنس اور ٹیکنالوجی کی وزارت کے ذریعے متعدد ٹیکنالوجی ترغیبات اور وقف سکیموں کا فائدہ اٹھانے کے لیے بچوں اورفیکلٹی سے تاکید کی تاکہ وہ بچپن سے ہی ان کی رہنمائی کرسکیں۔مرکزی وزیر نے سامعین بالخصوص 10 سے 17 سال کی عمر کے طلباء کے والدین کو سائنس اور ٹکنالوجی کے شعبہ کے سکالرشپ اور انسپائر-مانک جیسی گرانٹ سکیموں سے فائدہ اٹھانے کی تاکید کی جس کے تحت 10لاکھ روپے کی مالی امداد دی جاتی ہے ۔سنگھ نے سامعین سے 17 سے 22 سال کی عمر کے ہونہار طلباء کے لیے شعبہ سائنس اور ٹیکنالوجی کے انسپائر سکالرشپ (SHE) کے فوائد حاصل کرنے کی بھی اپیل کی جس کے تحت60,000روپے فی سال بشمول انڈر گریجویٹ اور پوسٹ گریجویٹ طلباء کو بنیادی سائنس اور تحقیق میں اپنا کیریئر اپنانے کی ترغیب دینے کے لیے 20,000 روپے کی سرپرستی گرانٹ دی جاتی ہے۔مرکزی وزیر نے مزید کہا کہ وگیان جیوتی سکیم کے تحت نویں جماعت سے لے کر بارہویں جماعت تک کی نوجوان لڑکیوں کے لیے فوائد بھی حاصل کیے جانے چاہئیں جس کے تحت وزیر اعظم نریندر مودی کی سربراہی والی مرکزی حکومت سائنس اور ٹکنالوجی میں اعلیٰ تعلیم اور کیریئر کے لیے ہینڈ ہولڈنگ اور رہنمائی کا خیال رکھتی ہے تاکہ ان طالبات کو STEM میں تعلیم اور کیریئر کے حصول کے لیے حوصلہ افزائی کی جا سکے، خاص طور پر کم نمائندگی والے علاقوں میں۔مرکزی وزیر نے مزید کہا کہ رام کوٹ میں کیندریہ ودیالیہ کا قیام علاقے میں تعلیم کو فروغ دے گا اور رام کوٹ علاقے میں تعینات سیکورٹی اہلکاروں کے وارڈوں کے علاوہ مقامی باشندوں کے بچوں کو بلا تعطل معیاری تعلیم فراہم کرے گا۔یہ بات قابل ذکر ہے کہ 200 طلباء نے پہلے سے ہی کیندریہ ودھیالیہ، رام کوٹ میں تعلیمی سیشن 2025-2026 کے لئے پہلی سے پانچویں تک کی کلاسوں کے لئے ہر کلاس میں 40 طلباء کے ساتھ داخلہ لیا ہے۔ کے وی رام کوٹ کو اس وقت گورنمنٹ ماڈل ہائیر سیکنڈری اسکول، رام کوٹ کے احاطے میں ایک عارضی رہائش میں رکھا گیا ہے۔قبل ازیں، مرکزی وزیر نے کیندریہ ودیالیہ رام کوٹ کے طلباء کی طرف سے لگائی گئی فن نمائش کا معائنہ کیا جس میں مرکزی حکومت کی اسکیموں کو اجاگر کیا گیا جیسے کہ سوچھ بھارت، ایک بھارت شریشٹھ بھارت کے تحت مرکزی حکومت کی ایک پہل، ایک بھارت شریشٹھ بھارت جس کا مقصد مختلف ریاستوں اور مرکز کے زیر انتظام علاقوں کے لوگوں کے درمیان باہمی مفاہمت کو فروغ دینا ہے۔ نیشنل کیڈٹ کور اور بھارت سکاؤٹس اینڈ گائیڈز کٹھوعہ کے رضاکاروں نے گارڈ آف آنر بھی پیش کیا۔ کے وی طلباء کی ثقافتی پیشکشیں بھی اس تقریب کا ایک حصہ تھیں جنہیں اس موقع پر موجود سامعین نے سراہا۔اس موقع پر موجود دیگر لوگوں میں ستیش کمار شرما، ایم ایل اے، بلاور، ڈی ڈی سی چیئرپرسن کرنل مہان سنگھ، راجیش شرما، ڈپٹی کمشنر کٹھوعہ، ونے کھوسلہ، نوڈل پرنسپل کے وی رام کوٹ اور کے وی اکھنور اور کے وی ہیرا نگر کے پرنسپلوں کے علاوہ دیگر افسران بھی موجود تھے۔
