چیمپئنز ٹرافی کےلئے اسٹوئنس فٹ

 میلبورنآسٹریلیا کے آل راونڈر مارکس اسٹوئنس کو یکم جون سے انگلینڈ اور ویلز میں ہونے والی چیمپئنز ٹرافی میں کھیلنے کے لیے فٹ قرار دے دیا گیا ہے ۔ انہیں گذشتہ ماہ انڈین پریمیئر لیگ (آئی پی ایل) کے دوران کندھے میں چوٹ لگ گئی تھی۔ 27 سالہ وکٹوریہ کے کھلاڑی کو آئی پی ایل میں ٹریننگ کے دوران کندھے میں چوٹ لگی تھی جس کے بعد وہ ٹوئنٹی 20 ٹورنامنٹ میں بھی کافی وقت تک حصہ نہیں لے سکے تھے اور انہیں وطن لوٹنا پڑا تھا جہاں وہ نیشنل کرکٹ سینٹر برسبین میں رھیب لٹیشن سے گزر رہے تھے ۔کرکٹ آسٹریلیا (سی اے ) نے اپنی ویب سائٹ پر بتایا کہ اب مارکس بالکل فٹ ہیں اور اگلے ماہ شروع ہو رہی چیمپئنز ٹرافی کے لیے فٹ ہیں۔ انہوں نے کہا ''مارکس نے گیند بازی شروع کر دی ہے اور طبی عملہ ان کی فٹنس کے بارے میں پوری طرح مطمئن ہے ''۔دو بار کا چمپئن آسٹریلیا چیمپئنز ٹرافی کی تیاریوں کے لئے سری لنکا کے ساتھ 26 مئی کو اور پھر 29 [؟][؟]مئی کو پاکستان سے پریکٹس میچ کھیلے گا جس کے بعد گروپ اے میں وہ دو جون کو نیوزی لینڈ سے پہلے مقابلے کے لئے اترے گا۔ اس گروپ میں انگلینڈ اور بنگلہ دیش دو دیگر ٹیمیں ہیں۔یو این آئی۔