ایجنسیز
دبئی /آئی سی سی چیمپئنز ٹرافی سے قبل انٹر نیشنل کرکٹ کونسل کے ایک اعلیٰ سطحی وفد نے ایک بار پھر قذافی اسٹیڈیم لاہور میں انتظامات کا جائزہ لیا۔انٹر نیشنل کرکٹ کونسل کے ایک اعلیٰ سطحی وفد نے پیر کو قذافی اسٹیڈیم لاہور کا دورہ کیا اور تعمیراتی کام اور فنشنگ کے مرحلے کا جائزہ لیا۔وفد میں ہیڈ آف ایونٹس سارہ ایڈگر ، جی ایم کرکٹ وسیم خان ، شعبہ براڈ کاسٹ اور ایونٹس کے دیگر افراد شامل تھے۔وفد نے مین بلڈنگ کے آفسز کی تعمیر کے کام اور پویلینز کی بلڈنگ کی فنشنگ کے کام بھی دیکھا۔پاکستان کرکٹ بورڈ کے ڈائریکٹر انفرا اسٹرکچر جواد قاضی نے آئی سی سی وفد کو بریفنگ دی اور 30 جنوری تک فنشنگ کا تمام کام مکمل کرنے کی یقین دہانی کرائی۔واضح رہے کہ آئی سی سی چیمپئنز ٹرافی 19فروری سے پاکستان میں شروع ہوگی جبکہ بھارت اپنے تمام میچز یو اے ای میں کھیلے گا۔
