عظمیٰ نیوز سروس
سرینگر// کمی کے خدشات کے برعکس، جموں و کشمیر میں باغبانی کی صنعت نے حالیہ برسوں میں مثبت ترقی کا مظاہرہ کیا ہے، قانون ساز اسمبلی میں پیش کردہ حکومتی ردعمل کے مطابق باغبانی کی پیداوار اور برآمدات دونوں میں اضافے کو ظاہر کرتا ہے۔ 2021-22 کے دوران، پیداوار 23.41 لاکھ میٹرک ٹن رہی جس میں 12.07 میٹرک ٹن یونین ٹیریٹری سے باہر برآمد کیا گیا۔ 2022-23 کے دوران، پیداوار بڑھ کر 27.21 میٹرک ٹن ہو گئی اور برآمدات بڑھ کر 17.48میٹرک ٹن ہو گئیں اور 2023-24 کے دوران، پیداوار 26.43میٹرک ٹن پر مضبوط رہی اور برآمدات 18.57 میٹرک ٹن تک پہنچ گئیں جبکہ 2024-25 (فروری تک) میں پیدارواراور برآمدات کا تخمینہ 26.64 ملین میٹر ک ٹن ہے۔حکومت نے دعویٰ کیا کہ کشمیری سیب کو ملک بھر میں فروغ دینے کے لیے مختلف اقدامات کیے گئے جن میں مارکیٹ کے بنیادی ڈھانچے کی توسیع اور تجارت کو جدید بنانا شامل ہے۔مارکیٹ تک رسائی کو بڑھانے اور تجارتی طریقوں کو جدید بنانے پر حکومت کی توجہ آنے والے سالوں میں باغبانی کی صنعت کو مزید فروغ دینے کی امید ہے۔اس شعبے کی مسلسل ترقی جموں و کشمیر کی معاشی خوشحالی اور ہزاروں کسانوں کی روزی روٹی کے لیے اہم ہے۔رپورٹ کے مطابق2022-23 کے دوران، تقریباً 92,236.29 کوئنٹل کی تجارت ہوئی جس کے نتیجے میں 32.72کروڑکا کارو بار ہوا جبکہ 2023-24میں، تجارت تقریباً 655,759.16 تک بڑھ گئی، جس سے 416.08 کروڑکا کاروبار ہوا اور 2024-25(اب تک)، تجارت پہلے ہی 943,464.20 کوئنٹل تک پہنچ چکی ہے، جس سے594.17 کروڑروپے کا کاروبار ہوا ۔رپورٹ میں کہا گیا ہے کہ 50,000 سے زیادہ کسانوں اور تاجروں نے پلیٹ فارم پر رجسٹریشن کرائی ہے، جو وسیع پیمانے پر اپنانے کی نشاندہی کرتی ہے۔پچھلے دو سالوں میں، خریدار بیچنے والے کے اجلاس کلکتہ، حیدرآباد، جموں اور سری نگر میں منعقد کیے گئے ہیں۔
