عازم جان
بانڈی پورہ //محکمہ امور صارفین کل پزل پورہ بانڈی پورہ میں ایک کیمپ کا انعقاد کیا۔کیمپ کی صدارت اسسٹنٹ ڈائریکٹر بلال حسن نے کی اورکہاکہ کیمپ کا مقصد عہدیداروں میں بالخصوص اور عام طور پر عوام میں ایک صارف کے طور پر ان کے حقوق اور ذمہ داریوں کے بارے میں بیداری پیدا کرنا ہے۔انہوں نے عہدیداروں سے کہا کہ وہ مکمل پیشہ ورانہ انداز میں صارفین کی خدمت کریں تاکہ انہیں ماہانہ راشن کی قرعہ اندازی کے دوران یا کسی اور مسئلہ کے لئے کسی قسم کی تکلیف کا سامنا نہ کرنا پڑے۔انہوں نے عام لوگوں کو مزید بتایا کہ پی ایم ایف ایس ایس سکیم کے تحت چاول کا اضافی کوٹہ اگست 2023 سے راشن سٹوروں پر دستیاب کر دیا گیا ہے۔ انہوں نے یہ بھی کہا کہ محکمہ نا مکمل جگہوں پر نئی فیئر پرائس شاپس کھولے گا، تاکہ عوام کو راشن آسانی سے ملے۔ انہوں نے مزید بتایا کہ محکمہ نے آسانی سے اور بغیر کسی پریشانی کے ماہانہ راشن حاصل کرنے کے لیے OTP پر مبنی لین دین کا اختیار شروع کیا ہے۔انہوںنے کیمپ کے دوران اہل استفادہ کنندگان میں پی ایچ ایچ کے راشن کارڈ تقسیم کیے اور تمام فیلڈ اہلکاروں پر مزید زور دیا کہ وہ غیر اہل مستحقین کو نکالنے کے عمل کو تیز کریں، تاکہ اہل رہ جانے والے مستفیدین کو بھی شامل کیا جا سکے۔
