ماسکو//چاند پر تحقیق کے لئے چین اور روس نے مشترکہ خلائی اسٹیشن قائم کرنے کا سمجھوتہ کیا ہے۔
روسی خلائی ایجنسی’ روسکوموز‘ کی جانب سے جاری بیان میں کہا گیا ہے کہ تحقیقاتی تنصیبات چاند کی سطح یا اس کے مدار میں قائم کی جائیں گی۔
چین نے اسے اپنا بین الاقوامی خلائی تعاون کا سب سے اہم پروجیکٹ قرار دیتے ہوئے کہا ہے کہ پروجیکٹ دلچسپی رکھنے والے تمام ملکوں اور عالمی شراکت داروں کے لئے کھلا رکھا گیا ہے۔
