عظمیٰ نیوز سروس
سرینگر //سعودی عرب میں شوال کا چاند نظر نہیں آیا جس کے مطابق اب وہاں بدھ کو عید الفطر ہوگی۔سعودی عرب میں شوال کا چاند دیکھنے کیلئے مختلف شہروں کی آبزرویٹریوں میں اجلاس ہوئے۔اس کے علاوہ سعودی سپریم کورٹ نے شہریوں سے بھی چاند دیکھنے کی اپیل کی تھی تاہم مملکت میں کہیں سے بھی چاند دیکھنے کی شہادت نہیں ملی۔سعودی عرب نے بعد میں سرکاری طور پر اعلان کیا کہ ملک میں شوال کے چاند سے متعلق کوئی شہادت موصول نہیں ہوئی ہے لہٰذاچاند نظر نہ آنے کے بعداب 10 اپریل بروز بدھ کو عید ہوگی۔
