جموں //جموں و کشمیر نیشنل پینتھرز پارٹی نے پارٹی کے صدر دفتر میںپنا 37واں یوم تاسیس منانے کیلئے زیر قیادت پارٹی سرپرست پروفیسر بھیم سنگھ ایک تقریب کا اہتمام کیا۔ا س موقعہ پر انہوں نے بھگت سنگھ ،راج گورو اور سکھ دیو سنگھ کو گلہائے عقیدت ادا کیا۔ پروفیسر بھیم سنگھ نے پارٹی کے دیگر کارکنوں کو بھی یاد کیا ،جو ریاست کی خدمت کرتے ہوئے اس دنیا فانی سے رحلت کر چکے ہیں۔تقریب میں سردارمشتاق احمد خان ،ٹھاکور داس چنوترہ، سدرشن سمیال، کرن دیو سنگھ جموال اور یوگی ٹھاکور ،کمل گوریہ ،بشن سینی، ٹھورو رام ایس اندر پال سنگھ ،مول راج وغیرہ بھی شامل تھے۔اس موقعہ پر اپنے خطاب میں بھیم سنگھ نے کہا کہ انکی پارٹی نے احتجاجوں ، ریلیوں اور بھوک ہڑتالوں سے کسانوں ، تاجروں ، ملازمین اور طلاب کے مسائل اجا گر کئے ہیں۔اس دوران بتایا گیا کہ پارٹی ریاست کی تمام چھ پارلیمانی نشستوں پر امید وار کھڑا کرے گی۔ دریں اثنا پارٹی نے جموں ۔پونچھ پارلیمانی حلقہ سے پارٹی کے سرپرست اعلیٰ پروفیسر بھیم سنگھ کو بطور امیدوار بنایا ہے جو 25 مارچ کو اپنے کاغذات نامزدگی دائر کریں گے۔پارٹی کے ریاستی چیئرمین ہرش دیو سنگھ نے بھی اجتماع سے خطاب کیا۔اجلاس میں پی کے گنجو، مسعود اندرابی ،یش پال کنڈل، انیت اٹھاکور ،بشارت علی، منجو سنگھ ،ایڈوکیٹ بنسی لعل شرما ،جگدیو سنگھ ،شنکر سنگھ چب و دیگران نے بھی شرکت کی۔
پینتھرز پارٹی نے 37واں یوم تاسیس منایا
