لاہور/یو این آئی /پاکستانی پیسر شاہین شاہ آفریدی نے ٹی 20 کرکٹ کے ابتدائی اوور میں وکٹ لینے میں سب پر برتری حاصل کر لی ہے ۔ شاہین آفریدی اب تک 75 اننگز میں 24 بار یہ کارنامہ سرانجام دے چکے ہیں، ان کا اکانومی ریٹ 5.86 رہا، سابق ہندوستانی پیسر بھونیشور کمار 74 اننگز میں 18 بار پہلے اوور میں وکٹ لے کر دوسرے نمبر پر ہیں۔ افغان پیسر فضل حق فاروقی 43 میچز میں 16 بار یہ کارنامہ سرانجام دے چکے ، کیوی پیسر ٹم ساؤتھی 55 اننگز میں16 جبکہ سری لنکن فاسٹ بولر اینجیلو میتھیوز 39 اننگز میں 14 بارابتدائی اوور میں شکار کر پائے تھے ۔ واضح رہے شاہین آفریدی اب تک 94 ٹی انٹرنیشنلز میچ کھیل چکے ہیں ، جس میں انہوں نے 122 وکٹیں حاصل کر رکھی ہیں۔
پہلے اوور میں 24وکٹیں ،شاہین آفریدی کا ریکارڈ
