لندن/انگلش کرکٹ ٹیم سیزن کی تیاریوں کا آغاز ون ڈے میچ میں آئرلینڈ کو ترنوالہ سمجھ کرنگلتے ہوئے کیا۔ برسٹل میں کھیلے گئے میچ میں لیگ اسپنر عادل راشد کی تباہ کن بولنگ کی بدولت انگلینڈ نے آئرلینڈ کو 7وکٹ سے مات دیدی۔انگلش ٹیم نے ہدف 20 اوور میں ہی حاصل کرلیا۔ انگلینڈ نے حیرت انگیز طور پرآل راﺅنڈر معین علی کی جگہ عادل راشد کو کھلایا، انہوں نے انتخاب درست ثابت کرتے ہوئے27 رنز دے کر پانچ وکٹ حاصل کیے، یہ ان کے کیریئر کی بہترین بولنگ ہے۔آئرلینڈ کو اوپنرز ایڈجوائس اور پال اسٹرلنگ نے 40 رنز کا آغاز فراہم کیا، لیکن اس کے بعد بیٹنگ لائن تاش کے پتوں کی طرح بکھر گئی۔ انگلینڈ نے آئرلینڈ کو 33 اوور میں 126 رن پر ڈھیر کردیا۔اینڈی بالبرنی 30، پال اسٹرلنگ 20 اور ایڈجوائس 23 رنز کے ساتھ نمایاں رہے۔ فاتح ٹیم نے ہدف کے تعاقب میں پہلی وکٹ ایک رن پر گنوادی، جب جیسن رائے صرف ایک رن بنا کر چیز کی گیند پر آﺅٹ ہوگئے۔اس کے بعد الیکس ہیلز 55 اور جو روٹ 49 نے ٹوٹل 78 تک پہنچادیا۔ کپتان مورگن 10 رنزبنا کر آﺅٹ ہوئے۔ روٹ کے ساتھ بیئرسٹو 10 رنز پر ناٹ آﺅٹ رہے۔انگلینڈ نے ہدف3 وکٹ پر حاصل کرکے 2 میچوں کی سیریز میں0-1 کی برتری حاصل کرلی۔ راشد کو مین آف دی میچ کا ایوارڈ ملا۔
پہلا ون ڈے: انگلینڈ نے آئرلینڈکو 7 وکٹ سے ہرا دیا
