پہاڑی علاقوں میں برفباری سے درجہ حرارت میں گراوٹ

سرینگر//وادی کے شمال وجنوب میں ژالہ باری اور قہر انگیز بارشوں نے تباہی مچا دی ہے جس کی وجہ سے فصلوں اور میوہ باغات کو سخت نقصان ہوا ہے جبکہ بنگس وادی اور گلمرگ کی افروٹ پہاڈی پر تازہ برف باری ہوئی ہے جس کے سبب درجہ حرارت میں گراوٹ آئی ہے ۔اس دوران محکمہ موسمیات کے ڈپٹی ڈائریکٹر ڈاکٹر مختار احمد نے کشمیر عظمیٰ کو بتایا ”ہوا میں ہلکی نمی اور شبانہ درجہ حرارت میں اضافے کے باعث ہوا گرم ہو رہی ہے اور اسی گرمی کی منتقلی سے ہوا پر دباﺅ بڑ رہا ہے جس کی وجہ سے قہر انگیز ژالہ باری اور بارشیں ہورہی ہیں ۔انہوں نے کہا کہ اگلے 24گھنٹوں تک موسم کی یہی صورتحال بنی رہے گی ۔ادھر شمالی کشمیر کے کئی اضلاع میں بھی ژالہ باری کے ساتھ ساتھ کئی پہاڑی علاقوں پر تازہ برف باری ہوئی ہے جس کے پیش نظر درجہ حرارت میں گراوٹ آئی ہے ۔ بارہمولہ سے نمائندے فیاض بخاری نے اطلاع دی ہے کہ ضلع بارہمولہ کے کئی علاقوں مےں قہر انگیزژالہ باری نے تباہی مچائی ہے جس کے نتےجے مےں میوہ باغات اور دیگر فصلوں کو شدےد نقصان پہنچاہے اور اس صورتحال کو دیکھ کرکسان اور باغ مالکان خون کے آنسوں بہانے پر مجبور ہوگئے ہےں۔جبکہ اس طوفانی ژالہ باری اور تیز ہواﺅںسے ان علاقوں میں بجلی کانظام بھی درہم برہم ہو کے رہ گیا ہے ۔ جمعہ کی شام کو افطار سے قبل موسم نے کروٹ لی اور گرج چمک کے ساتھ ہی زور دار ژالہ باری شروع ہوئی جو 20 منٹوں تک جاری رہی جس کے نتیجے میں بارہمولہ کے کئی علاقوں جن میں کنڈی ،شےری زنڈفرن ،بدمولہ،زوگےار ،شالٹنگ، گانٹہ مولہ اور دیگر ملحقہ علاقوں میں میوہ باغات، سبزی کی کیاریاں ،مکی سمیت دیگر کھڑی فصلوں کو بڑے پےمانے پر نقصان پہنچا ےا ۔ اےک مقامی شہری محمد ےوسف نے کشمےر عظمیٰ کو بتاےا کہ مےں نے زندگی مےں پہلی بار اتنی قہر آنگیزژالہ باری دےکھی ہے جس نے میوہ باغات،سبزیوں اور دےگر کھڑی فصلوں کو اس قدرتبا ہ کرکے رکھ دےا ہے جس کے سبب کسانوں اور میوہ باغ مالکان میں تشویش کی لہر دوڑ گئی ہے ۔ شمالی کشمیر کے سیاحتی مقام گلمرگ اور ٹنگمرگ میں بھی موسلا دھار بارشیں اور قہر انگیز ژالہ باری ہوئی ہے ۔ٹنگمرگ سے نمائندے مشتاق الحسن نے اطلاع دی ہے کہ سیاحتی مقام گلمرگ کی افروٹ پہاڈی پر تازہ برف باری اور ٹنگمرگ میں موسلادار بارشوں اور ڑالہ کے سبب فصلوں اور میوہ باغات کو شدید نقصان ہوا ہے۔ ٹنگمرگ کے چندی لورہ۔سولندہ شراے چھاندل ،ھری اوٹنو۔کٹی پورہ اور کنزر کے بیشترعلاقہ جات میں شدید ژالہ باری ھوئی جس کی وجہ سے ان علاقہ جات میں میوہ باغات اور سبزی کی کیاریوں سمیت کھڑی فصلوں کو زبردست نقصان پہنچ گیا جبکہ سیاحتی مقام گلمرگ کی افروٹ پھاڈی پر تازہ برف باری ہوئی ہے جس کی وجہ سے ٹنگمرگ بابا ریشی اور اس کے ملحقہ علاقوں میں شدید سردی کی لہر دوڑ گئی ہے ۔شمالی کشمیر کے سرحدی ضلع کپوارامیں بھی سنیچر کو قہر انگیز ژالہ باری ہوئی ہے جس سے فصلوں اور میوہ باغات کو ناقابل تلافی نقصان ہوا ہے جبکہ لوگ گھروں میں سہم کر رہ گئے اور کسان اس صورتحال کو دیکھ کر افسوس کر رہے تھے ۔کپوارا سے نمائندے اشرف چراغ نے اطلاع دی ہے کہ سنیچر تقریباّ4بجکر30منٹ پرگرج چمک کے ساتھ قہر انگیز ژالہ باری ہوئی جو 30منٹ تک جاری رہی جس سے پنیری کی فصل،اخروٹ،سبزی کے کھیتوں میں سبزیوں سمیت میوہ باغات کو شدید نقصان ہی نہیں پہنچابلکہ پوری طرح سے تباہ ہوگئے جس کے سبب کسانوں میں تشویش کی لہر دوڑ گئی ہے ۔سرحدی ضلع کپوارا میں لون ہرے کرال پورہ میں سنیچرژالہ باری نے میوہ باغات ،اخروٹ،سبزیوں کے کھیتوں سمیت دیگر کھڑی فصلوں کو پوری طرح تباہ کیا ہے جس کی وجہ سے کسانوں اور ماغ مالکان میں تشویش کی لہر دوڑ گئی ہے اور لوگ فصلوں کو دیکھ کر زار رو قتار ررو رہے تھے ۔ مقامی لوگوں نے کہا کہ ایسی قہر انگیز ژالہ باری ہم نے پہلی بار دیکھی ہے جس سے لوگ سہم کر گھروں میں بیٹھ گئے ۔معلوم رہے کہ جمعہ کو بھی سوپور زینہ گیر بوٹینگو،ملوان پورہ ،جانوارا،وٹلب،مونڈجی کے علاوہ کپوار اور ہندورا کے کئی علاقوں میں گذشتہ روز ژالہ باری ہوئی ےھی ۔