پٹرول اور ڈیزل کی قیمتوں میں کوئی تبدیلی نہیں

نئی دہلی// عالمی سطح پر خام تیل کی قیمتوں میں مسلسل اضافہ کے درمیان گھریلو پٹرول اور ڈیزل کی قیمتیں آج مستحکم رہیں، دہلی میں پٹرول 96.72 روپے فی لیٹر اور ڈیزل 89.62 روپے فی لیٹر پر مستحکم رہا۔تیل کی بڑی مارکیٹنگ کمپنی ہندوستان پیٹرولیم کارپوریشن کی ویب سائٹ پر آج جاری کردہ نرخوں کے مطابق ملک میں آج پیٹرول اور ڈیزل کی قیمتوں میں کوئی تبدیلی نہیں ہوئی ہے۔ دہلی میں ان کی قیمتوں میں کوئی تبدیلی نہیں ہوئی، ممبئی میں پٹرول 106.31 روپے فی لیٹر اور ڈیزل 94.27 روپے فی لیٹر رہا۔عالمی سطح پر ہفتے کے آخر میں یو ایس کروڈ کی قیمت 4.03 فیصد بڑھ کر 71.32 ڈالر فی بیرل ہوگئی اور لندن برینٹ کروڈ کی قیمت بھی 75.30 ڈالر فی بیرل ہو گئی۔