عشرت حسین بٹ
پونچھ //سیکورٹی فورسز نے اتوارکو ضلع پونچھ کے ساوجیاں کے گگڑیاں چھمبر چھول علاقوں میں بڑے پیمانے پر تلاشی آپریشن شروع کئے ہیں جس دوران ان علاقوں میں مشتبہ سرگرمیوں سے متعلق اطلاعات موصول ہوئیں ہیں پولیس ٹیموں نے ایس او جی کے ساتھ مل کر ایسے افراد کے کئی گھروں پر چھاپے مارے جن کا شبہ ہے کہ وہ پاکستان میں سرحد پار لوگوں سے باقاعدہ رابطے میں ہیں۔ ایک سینئر پولیس آفسر کے مطابق، کچھ مشتبہ افراد کے الیکٹرانک آلات کو جاری نگرانی کے حصے کے طور پر روکا گیا اور ان کے مواصلاتی ریکارڈ کی جانچ پڑتال کی جا رہی ہے۔ انہوں نے کہا کہ ساوجیاں پونچھ کے گگڑیاں چھول چھمبر جو کہ سرحد کے عین قریب علاقے پڑتے ہیں۔ ان میں یہ کارروائی کی گئی ان کا کہنا تھا کہ آپریشن کا مقصد کسی بھی سرحد پار روابط کو بے نقاب کرنا ہے جو قومی سلامتی کے لئے خطرہ بن سکتا ہے۔ انہوں نے کہا کہ تحقیقات فی الحال جاری ہے اور اس دوران انہوں نے منظور احمد ولد غلام محمد سکنہ چھول ساوجیاں کو گرفتار کیا ہے اور انہوں نے کہاکہ علاقے میں بڑی تعداد میں سیکورٹی اہلکاروں کی موجودگی نے مقامی لوگوں میں تناؤ پیدا کر دیا ہے، لیکن انہوں نے انہیں یقین دلایا ہے کہ یہ کارروائی مکمل طور پر روک تھام کی نوعیت کی ہے اور اس کا مقصد سرحدی علاقے میں امن و استحکام کی حفاظت کرنا ہے ان کا کہنا تھا کہ آنے والے وقت میں اس طرح کی کاروائیاں جاری رہیں گی۔
