حسین محتشم
پونچھ//پونچھ ضلع میں عقیدت مندوں نے نوراتری اور ہندئوں کا نئے سال کا آغاز بڑے جوش و خروش اور مذہبی رواداری کے ساتھ کیاگیا۔اس دوران ضلع بھر کے مندروں میں عقیدت مندوں نے بڑی تداد میں شرکت کر کے ماں درگا کا آشیرواد حاصل کیا۔ گیتا بھون پونچھ میں سناتن دھرم سبھا کے بینر تلے رامائن اکھنڈ پاٹھ کا اہتمام کیا گیا، جس میں بڑی تعداد میں عقیدت مندوں نے شرکت کی۔اس دوران لوگوں نے عقیدت کے ساتھ مذہبی رسومات میں حصہ لیا اور روحانی فضا نعروں اور دعاؤں سے معمور ہوگئی۔اتوار کی صبح سے ہی، عقیدت مندوں نے مختلف مندروں میں خصوصی پوجا میں شرکت کی۔ جس سے اس مبارک تہوار اور نئے سال کی شروعات مثبت نوٹ پر ہوئی۔ بہت سے عقیدت مندوں نے بھرت بھی رکھا اور بھجن کیرتنوں میں مشغول رہے۔ اس دوران امن، خوشحالی اور فلاح و بہبود کے لئے دعائیں کی۔ان تقریبات میں پونچھ کی ہندو برادری نے گہرے عقیدے اور روایات کو اجاگر کیا، جو اس علاقے کے بھرپور ثقافتی اور مذہبی ورثے کو ظاہر کرتے ہیں۔اس دوران شری سناتن دھرم سبھا نے ہندو نئے سال کا کیلنڈر جاری کیا۔اسی دوران شری سناتن دھرم سبھا پونچھ نے ایک پریس کانفرنس کر کے آئندہ سال کے لیے ایک خصوصی ہندو نئے سال کے کیلنڈر کو سرکاری طور پر جاری کرنے کا مطالبہ کیا۔ اس تقریب میں سبھا کے سرکردہ اراکین، کمیونٹی لیڈران اور مقامی معززین نے شرکت کی۔ کانفرنس کے دوران، سبھا کے نمائندوں نے ہندو نو ورش کی اہمیت پر زور دیا، اس کی ثقافتی اور روحانی اہمیت کو اجاگر کیا۔ انہوں نے اس بات کی وضاحت کی کہ نیا کیلنڈر کس طرح عقیدت مندوں کے لیے ایک رہنما کے طور پر کام کرتا ہے۔ جنہوںنے بتایا کہ اس کلینڈر میں تہواروں، مبارک تاریخوں اور سال بھر کے مذہبی دنوں کی فہرست ہے۔انہوں نے کہا کیلنڈر کمیونٹی کو اہم ہندو روایات اور رسومات کے بارے میں باخبر رہنے میں مدد کرنے کے لئے ڈیزائن کیا گیا ہے۔ تقریب سے خطاب کرتے ہوئے، سبھا کے صدر شی کھیترپال شرما نے تمام تعاون کرنے والوں کا شکریہ ادا کیا اور خطے میں ہندو ورثے کے تحفظ اور فروغ کے لئے سبھا کے عزم پر زور دیا۔ انہوں نے کہا، “یہ کیلنڈر صرف ایک دستاویز نہیں ہے؛ یہ عقیدت مندوں کے لیے مقدس روایات کو ماننے اور تہواروں کو عقیدت اور اتحاد کے ساتھ منانے کے لیے ایک روحانی رہنما ہے۔اس موقعہ پر موجوف افراد نے ثقافتی روایات کو زندہ رکھنے میں سبھا کی کوششوں کو سراہا۔اس دوران کیلنڈر کی کاپیاں عوام میں تقسیم کی گئیں۔
