حسین محتشم
پونچھ//مرکزی وزیر داخلہ امت شاہ کے سرحدی ضلع پونچھ کے طے شدہ دورے سے قبل پورے سرحدی ضلع پونچھ میں سیکورٹی بڑھا دی گئی ہے۔اس دوران شہر خاص کے تمام داخلی راستوں پر سیکورٹی کے سخت انتظامات کئے گئے ہیں جہاں پولیس اور دیگر حفاظتی دستوں کے جوان آنے جانے والوں پر پوری نظر بنائے ہوئے ہیں۔ اس دوران گاڑیوں اور پیدل چلنے والوں کو تلاشی بھی لی جا رہی ہے،شہر خاص میں بھی جگہ جگہ ناکے لگائے جا رہے ہیں اور گشت بھی بڑھا دی گئی ہے۔ ذرائع کے مطابق امت شاہ سرحدی ضلع پونچھ میں حالیہ پاکستانی افواج کی گولہ باری سے متاثر ہونے والے خاندانوں اور جاں بحق ہونے والے افراد کے اہل خانہ سے ملاقات کریں گے۔انہوں نے بتایا کہ وزیر داخلہ پونچھ میں ان مذہبی مقامات کا بھی دورہ کریں گے جہاں ڈھانچوں کو گولہ باری ست نقصان پہنچا ہے۔اپنے دورے کے دوران وزیر داخلہ بی ایس ایف کہ جوانوں سے بھی ملاقات کریں گے۔
