سرینگر/سنیچر کو پونچھ میں کم سے کم11مسافر اُس وقت جاں بحق جبکہ19زخمی ہوگئے، جب ایک گاڑی جس میں وہ سوار تھے حادثے کا شکار ہوگئی۔
یہ دلدوز حادثہ پونچھ کے تحصیل منڈی میں اُس وقت پیش آگیا جب ایک مسافر گاڑی سڑک سے لڑھک کر ایک گہری کھائی میں جاگری۔
سرکاری ذرائع کے مطابق یہ مسافر گاڑی لوران سے پونچھ کی طرف جارہی تھی اور جونہی یہ منڈی علاقے میں صبح سوا نو بجے پہنچی تو اس کو حادثہ پیش آگیا۔
انہوں نے کہا کہ بس میں سوار11مسافر جاں بحق ہوگئے جبکہ 19زخمی ہوگئے ہیں جن میں کم سے کم پانچ کی حالت نازک بنی ہوئی ہے۔
زخمیوں کو فوری طور سب ڈسٹرکٹ اسپتال منڈی پہنچایا گیا ۔
بلاک میڈیکل آفیسر پونچھ سید مشتاق حسین نے کہا کہ گیارہ مسافر جاں بحق ہوگئے ہیں جبکہ اُنیس زخمیوں کا علاج جاری ہے۔ ان میں سے پانچ شدید زخمیوں کو ڈسٹرکٹ اسپتال پونچھ پہنچایا گیا ہے۔
