عظمیٰ نیوز سروس
سرینگر//جموں و کشمیر پولیس نے ہفتہ کو کہا کہ اس نے سرینگر میں 23 ملی ٹینٹ ساتھیوں اور شرپسندوں کے خلاف پبلک سیفٹی ایکٹ (PSA) کے تحت مقدمہ درج کیا ہے۔پولیس کے ایک ترجمان نے بتایا کہ ملزمان کو پونچھ، ادھم پور اور کوٹ بلوال جموں کی ضلعی جیلوں میں نظر بند کر کے رکھا گیا ہے۔انہوں نے کہا کہ ملک کی سلامتی اور امن عامہ کے خلاف تخریبی اور جرائم پیشہ عناصر کے خلاف فیصلہ کن کارروائی کرتے ہوئے سرینگر پولیس نے تخریبی سرگرمیوں میں ملوث ممنوعہ تنظیموں کے 23 ساتھیوں اور عوامی خلفشار میں ملوث شرپسندوں کے خلاف PSA کے تحت مقدمہ درج کیا ۔ملزمان کو سرینگر کے ضلع مجسٹریٹ کے دفتر سے سرینگر پولیس کی طرف سے ان کے خلاف تیار کردہ ڈوزیئر کی بنیاد پر نظر بندی کے باضابطہ احکامات حاصل کرنے کے بعد مقدمہ درج کیا گیا ۔انہوں نے کہا کہ ان افراد کے خلاف کئی مجرمانہ مقدمات درج ہیں۔جن افراد کو گرفتار کیا گیا ان میںثاقب شفیع وانی ولد محمد شفیع وانی باغی سندر بالا چھتہ بل، ولید اعجاز شیخ عرف ولید ولد اعجاز احمد شیخ نیو کالونی بٹہ مالو،ہاشم فاروق میر ولد فاروق احمد میر اخراج پورہ راجباغ،ساحل احمد شیخ عرف ساحل ولد بلال احمد شیخ نیو کالونی بٹہ مالو،توصیف احمد خان ولد شوکت احمد خان فردوس آباد بٹہ مالو لین نمبر 15،شوکت احمد ڈار ولد غلام محمد ڈار نشاط سرینگر،علی محمد راتھر عرف علی پاکستانی ولدغلام رسول راتھر مولہ پھاگ حضرتبل،اویس فاروق لون ولدفاروق احمد لون بٹہ گنڈ ترال حال مائسمہ،مصیب احمد خان ولد غلام نبی خان سیکٹر 07-ہمدانیہ کالونی بمنہ،فیروز احمد نجار ولد علی محمد نجار چندہ پورہ ہارون،شبیر احمدولد محمد صادق باغیاث سرینگر،ساجد شاہنواز میر عرف پیٹرول فردوس آباد بٹہ مالو،نعمان قیوم گنائی ولد عبدالقیوم متھن چھانہ پورہ،اویس الطاف بٹ ولد محمد الطاف پادشاہی باغ ،جنید ظہور بنگرو ولد ظہور احمد ملک آنگن فتح کدل ،مظفر فاروق میر عرف مظفر ڈانگر پورہ بڈگام،انیب نصیر میر ولد نصیر میر ڈانگر پورہ شہزاد پورہ کانپورہ، بڈگام،عرفان احمد سیرو عرف عرفان ولد مرحوم محمد شعبان سیرو خانقاہ سوختہ نواکدل ،فہد بشیر صدیق عرف عمر عقل میر خانیار ،زبیر احمد لون ولدمنظور احمد لون سید پورہ عیدگاہ،فیضان یاسین شیخ ولد محمد یاسین شیخ کاکا صاحب جمالٹہ،ابراہیم رشید گنائی عرف گوپی عرف عمر مومنہ آباد لین 05 بٹہ مالو ، اورعبدالحمید گنائی ولد غلام قادر نیو تھید ہارون، سری نگر شامل ہیں۔انہوں نے کہا کہ عدالتوں سے ضمانت ملنے کے بعد بھی انہوں نے اپنے طریقے نہیں سدھرے، وہ امن عامہ کو بگاڑنے، قوم کے خلاف مجرمانہ اور تخریبی سرگرمیوں میں ڈھٹائی سے ملوث تھے۔ترجمان نے کہا کہ جموں وکشمیر پولیس ایسے عناصر کے خلاف مسلسل کریک ڈان کے ذریعے سری نگر شہر میں ایسے ملک دشمن اور سماج دشمن انفراسٹرکچر کو منظم طریقے سے نشانہ بنا رہی ہے اور اسے ختم کر رہی ہے۔
SIA کارروائی
جموں و کشمیر پولیس کی ریاستی تحقیقاتی ایجنسی نے سنیچر کو سلیپر سیل ماڈیولز سے متعلق اپنی تحقیقات میں وسطی اور شمالی کشمیر میں 11 مقامات پر چھاپے مارے۔یہ چھاپے ایک کیس کی تحقیقات کے سلسلے میں مارے گئے جو اس سال درج ہوا ہے۔پولیس کا کہنا ہے کہ چھاپوں کے دوران کافی حد تک مجرمانہ مواد قبضے میں لے لیا گیا اور مشتبہ افراد کو مزید پوچھ گچھ کے لیے گرفتار کر لیا گیا ہے۔مجاز عدالت نے ان تلاشیوں کی اجازت دی تھی جو ایگزیکٹو مجسٹریٹس کی موجودگی میں کی گئیں۔پولیس نے کہا کہ یہ مشاہدہ کیا گیا ہے کہ آن لائن بنیاد پرستی میں ملوث ہونے کے لیے SIA کی جانچ کے تحت زیادہ تر افراد 18 سے 22 سال کے عمر کے گروپ میں آتے ہیں۔
