اشتیاق ملک
ڈوڈہ //ڈپٹی انسپکٹر جنرل پولیس ڈاکٹر شریدھر پاٹل نے کہا کہ ڈوڈہ حملوں میں ملوث ملی ٹینٹوں کا بہت جلد خاتمہ کیا جائے گا. ڈوڈہ کے کاستی گڑھ میں گذشتہ ملی ٹینٹوں و سیکورٹی فورسز کے درمیان ہوئی مسلح جھڑپ کے بعد ڈی آئی جی نے ایس ایس پی جاوید اقبال و دیگر افسران کے ہمراہ جائے واردات کا دورہ کرکے جاری آپریشن کا جائزہ لیا.میڈیا سے گفتگو کرتے ہوئے انہوں نے کہا کہ پچھلے چار روز میں تین بار ملی ٹینٹوں کا سیکورٹی فورسز کے ساتھ آمنا سامنا ہوا ہے تاہم سیکورٹی فورسز و پولیس نے ان علاقوں کا وسیع پیمانے پر گھیراؤ کیا ہے اور ملی ٹینٹوں کو ڈھونڈ نکالنے کے لئے تمام وسائل کا استعمال کیا جارہا ہے. انہوں نے کہا کہ آپریشن جاری ہے اور بہت جلد انہیں کامیابی ملے گی. میڈیا کی جانب سے پوچھے گئے ایک اور سوال کے جواب میں انہوں نے کہا کہ اس سے آگے کی تفصیل یہاں بیان نہیں کر سکتا ہوں.
