نیوز ڈیسک
نئی دہلی// مرکزی وزیر صحت منسکھ منڈاویہ نے جمعہ کو لوک سبھا کو بتایا کہ پوسٹ گریجویٹ میڈیکل کورسز میں داخلہ لینے کے خواہشمندوں کے لیے-PG NEET کا امتحان شیڈول کے مطابق 5 مارچ کو لیا جائے گا۔انہوں نے کہا کہ اس بات کو یقینی بنانے کے لیے کہ کوئی بھی باقی نہ رہے، وزارت نے ان تمام ایم بی بی ایس طلباء کے لیے کٹ آف کی تاریخ بڑھا دی ہے جنہوں نے ابھی تک اپنی انٹرن شپ مکمل نہیں کی ہے۔وزیر نے کہا‘‘5 مارچ کو امتحان ہونا ہے اور اس کا اعلان پانچ ماہ پہلے کیا گیا تھا۔
وہ طلباء ، جنہوں نے اس (داخلہ امتحان) میں شرکت کرنی تھی، پہلے ہی تیاری کر رہے ہیں” ۔”پہلے امتحانات میں سات سے آٹھ مہینے اور بعد میں چار ماہ کی تاخیر ہوتی تھی،”۔وزیر نے کہا کہ داخلہ ٹیسٹ کا بروقت انعقاد بہت ضروری ہے۔ان لوگوں کے لیے جنہوں نے ابھی تک اپنی انٹرنشپ مکمل نہیں کی ہے، منڈاویا نے کہا کہ ان کی وزارت نے پہلے ہی کٹ آف کی تاریخ بڑھا دی ہے۔انہوں نے کہا، “میں نے کٹ آف تاریخ کو بڑھا دیا ہے تاکہ تمام طلباء کو NEET-PG امتحان میں شرکت کرنے، اسے صاف کرنے اور PG (پوسٹ گریجویٹ میڈیکل کورسز) میں داخلہ لینے کا موقع ملے”۔
