عظمیٰ نیوزڈیسک
چندی گڑھ// ایک جوڑے، جو مبینہ طور پر منشیات کے عادی تھے، نے اپنے چھ ماہ کے بیٹے کو پنجاب کے مانسا ضلع میں ایک اسکریپ ڈیلر کو بیچ دیا، اور رقم کا کچھ حصہ منشیات کی خریداری پر خرچ کیا، پولیس نے ہفتہ کو بتایا۔ایک اہلکار نے بتایا کہ یہ معاملہ اس وقت سامنے آیا جب بچے کی خالہ نے پولیس سے رابطہ کیا۔پولیس نے بچے کو بازیاب کر لیا ہے اور دونوں خاندانوں کے خلاف بھارتیہ نیا سنہتا (بی این ایس) کی متعلقہ دفعات کے تحت مقدمہ درج کر لیا ہے۔ افسر نے یہ بھی کہا کہ جوڑے کو گرفتار کر لیا گیا ہے۔اکبر پور کھڈل گاؤں کا رہنے والا یہ جوڑا مبینہ طور پر منشیات کا عادی تھا اور بچے کی پرورش کرنے سے قاصر تھا۔ پولیس کے مطابق، اس کے بعد، انہوں نے چھ ماہ کا بچہ بدھلڈا ٹاؤن میں اسکریپ ڈیلر کے خاندان کو 1.80 لاکھ روپے میں دیا۔اسکریپ ڈیلر کی چار بیٹیاں ہیں۔ پولیس نے بتایا کہ اہل خانہ نے ایک دستاویز پر دستخط بھی کیے، جسے انہوں نے بچے کے لیے “گود لینے کا عمل” کہا۔مقامی لوگوں نے دعویٰ کیا کہ جوڑے نے مبینہ طور پر یہ رقم منشیات اور گھریلو اشیاء کی خریداری پر خرچ کی۔پولیس نے بتایا کہ بچے کی ماں، جو اپنی شادی کے بعد منشیات کی عادی ہو گئی، ایک پہلوان تھی۔واقعے کے بارے میں میڈیا رپورٹس کا ازخود نوٹس لیتے ہوئے، پنجاب کمیشن برائے تحفظ حقوق اطفال کے چیئرمین کنوردیپ سنگھ نے مانسا کے سینئر سپرنٹنڈنٹ آف پولیس (ایس ایس پی) کو نوٹس جاری کیا کہ وہ شیر خوار بچے کی بازیابی اور اسے چائلڈ ویلفیئر کمیٹی کے حوالے کریں۔کمیشن نے ایس ایس پی کو بچے کو حاصل کرنے والے جوڑے اور خاندان کے خلاف کارروائی کرنے اور 31 اکتوبر تک رپورٹ پیش کرنے کی بھی ہدایت کی۔ڈپٹی سپرنٹنڈنٹ آف پولیس (بدھلاڈا) سکندر سنگھ چیمہ نے بتایا کہ بچے کو چائلڈ ویلفیئر کمیٹی کے حوالے کر دیا گیا ہے۔سٹیشن ہاؤس آفیسر، بریٹا، بلدیو سنگھ نے بتایا کہ بچے کو حاصل کرنے والے جوڑے اور خاندان کے خلاف بی این ایس سیکشن 143 (انسانی اسمگلنگ) کے تحت مقدمہ درج کیا گیا ہے۔
