سری نگر// جنوبی کشمیر کے پلوامہ ضلع کے نینا بٹہ پورہ علاقے میں جمعرات کو سیکورٹی فورسز کے ساتھ ایک تصادم میں لشکر طیبہ سے وابستہ دو جنگجو مارے گئے ہیں۔
ایک سینئر پولیس افسر نے بتایا کہ نینا بٹہ پورہ میں ایک آپریشن میں لشکر طیبہ کے دو عسکریت پسند مارے گئے۔
افسر نے مزید کہا کہ دونوں عسکریت پسندوں کو ہتھیار ڈالنے کا کافی موقع دیا گیا، تاہم انہوں نے ہتھیار ڈالنے کی پیشکش سے انکار کر دیا۔
احتیاطی تدابیر کے پیش نظر بانہال سے بڈگام ضلع کے درمیان ٹرین سروس بھی معطل کردی گئی۔
آئی جی پی کشمیر نے پہلے بتایا تھا کہ مسجد کو کوئی نقصان نہ پہنچنے کو یقینی بنانے کے لیے انتہائی احتیاط برتی گئی تھی کیونکہ عسکریت پسند مسجد کے نزدیک ایک ڈھانچے میں چھپے ہوئے تھے۔
قبل ازیں جموں و کشمیر پولیس کے ذریعہ تیار کردہ ایک مخصوص ان پٹ پر، پولیس کی مشترکہ ٹیم نے علاقے میں محاصرے اور تلاشی کی کارروائی شروع کی۔
جیسے ہی فورسز کی مشترکہ ٹیم نے مشتبہ مقام کی تلاش میں تیزی لائی، چھپے ہوئے جنگجوؤں نے فورسز پر گولی چلائی جس کے بعد فائرنگ کا تبادلہ شروع ہوگیا۔
